Gin Lee李幸倪一連跳三首快歌跳到腳軟 自爆將與Wyman合作情歌
撰文：趙允琳
出版：更新：
Gin Lee李幸倪今日以表演嘉賓身份現身沙田馬場，在打吡大賽開始之前帶來一連三首跳唱歌曲，她接受訪問時透露跳到一半其實有少少腳軟：「雖然有啲緊張，第一次一連串medley，都好需要體力，但做完之後都好爽，可以乘機做運動！」她笑言自從轉型做跳唱歌手之後，因為勤於練舞的關係，有明顯去水腫效果，連身體線條都有改善。
Gin Lee落力帶來三首跳唱歌曲。（葉志明 攝）
她表示這段時間正進行生酮飲食，戒糖和澱粉質：「其實老實講，有時都覺得有少少好想食呢樣好想食嗰樣，我就畀自己一個動力，做完咗呢個就可以有一日cheat day，咁就有推動力去畀心機做好每件事！」
Gin Lee透露最近因跳舞體型改善了不少。（葉志明 攝）
轉新東家後的Gin Lee坦言現時正以與紅館開演唱會為目標，不過要先再儲下歌：「今年都會有快歌、慢歌、中板、R&B等等唔同嘅style，（黃偉文）應承咗我我哋今年會第二次合作，希望係一首情歌！」
Gin Lee透露將會再與Wyman合作。（葉志明 攝）