黃浩琳下決心出廣東話大碟 英文轉Tone填廣東話絕不簡單
撰文：李妍樺
出版：更新：
黃浩琳（Lillian）今日偕林奕匡一同出席「第二十八屆國際流行音樂大獎頒獎禮」做頒獎嘉賓，兩人還一同演唱La La Land的《City of Stars》和Lady Gaga的《Million Reasons》，講起英文歌Lillian自己就比較常唱英文歌，就連填詞也是英文的詞，但今年她就有一個新突破，就是推出一張全廣東歌的大碟，由英文轉Tone做廣東話絕對不簡單，她說：「起步嗰陣好擔心自己會唔會完成到，但有心就慢慢去試，起初就逐句逐句寫，慢慢去掌握。」
兩個唱得之人一齊合唱，真係好好聽。（黃國立攝）
原來廣東話同英文填詞有咁大分別。（黃國立攝）
究竟英文歌和廣東話歌填詞有什麼分別呢？Lillian分享道：「我填英文只主要最尾嗰個字押韻就得㗎喇，中間就湊夠字數就唔理太多，但廣東話填詞要啱音調，九聲之間好明顯，如果唔啱個調就好似講咗另一樣嘢咁。」Lillian之前填詞是先想英文的意思，再譯做廣東話，得花上很多時間，所以現在她想試試改變戒掉先填英文詞的習慣。
而Lillian最近推出新歌《纏路》，巧妙諧音「前路」兩字，事源Lillian之前發生了一些不開心的事，讓她有感而發寫了這首歌，她回憶道：「2015年好多模稜兩可嘅局面令我覺得好辛苦，好想向前走但又解決唔到，情緒令我支撐唔住。」她想了一個辦法方法，就是儘量不去想這件事，讓時間沖淡一切，她表示藉著這首歌宣揚這個減壓方法給大家，希望大家跟她一樣不要執著，放開才能走更遠的路。
唔知道大家聽咗《纏路》呢首歌未呢？（黃國立攝）