陳健安《創作者的派對》獲布拉格頒亞洲最佳MV 人生首奪國際獎項
撰文：關穎賢
出版：更新：
陳健安的《創作者的派對》MV，獲得布拉格音樂錄像頒獎禮 Prague Music Video Awards 2022/23 Spring Edition 「Best Asian Music Video」（亞洲最佳MV），對於首次獲得國際音樂獎項，陳健安感謝大會和MV創作團隊，他坦言為了在MV中扮「神像」，接近4個月節食和操練肌肉，辛苦都值得。
陳健安《創作者的派對》獲布拉格頒亞洲最佳MV。
陳健安感謝大會和MV創作團隊，他坦言為了在MV中扮「神像」，接近4個月節食和操練肌肉，辛苦都值得。
雖然MV點擊數字一般，但陳健安希望藉著今次得獎，讓更多人留意。他說：「好開心今次得獎，MV團隊嘅努力獲得肯定，希望香港可以有多啲MV嘅獎項，讓更多團隊得到鼓勵。香港有好多好MV值得支持，希望大家多留意、留comment，對創作者係好好嘅鼓勵。」
雖然MV點擊數字一般，但陳健安希望藉著今次得獎，讓更多人留意。
陳健安在MV中爆肌亮相。
陳健安坦言：「有好多創作人，或者拍MV嘅人，其實唔係賺到啲咩錢，得到呢啲肯定，鼓勵佢哋多啲創作，大家就可以睇到更多好作品，讓做創作嘅人繼續有團火去做。」陳健安笑言《創作者的派對》MV導演辛苦到「爆肝」，說：「導演不眠不休地拍攝和剪片，今次MV真係好多心機位，例如片尾部份將音樂加速，而一般以定格列出幕後名單，但我哋就用咗滾動式字幕，增加電影感。另外，創作咗一個外星人『螢螢』坐喺太空船。就連歌詞字幕用外星文表達，呢啲符號圖像係配合歌詞，好似古老甲骨文。」最後他再次多謝喜歡這MV的人，以及大會頒獎給他們。