韓國女團FIFTY FIFTY近日憑歌曲「Cupid - Twin Ver. 」登上Billboard HOT 100，相比Blackpink 、BTS出道日子更早獲得此榮耀，而歌曲更打入音樂平台52個國家榜單，單日全球串流流量更比Newjeans高，而全球每月收聽人次更超越Blackpink成為女團首位！隊員Saena表示難以置信，而Sio仲話以為自己發夢添：「我地冇諗過呢首歌會咁成功，呢個真係超現實，但都全靠幕後嘅努力同Fans支持！所以我們會更加努力地創作，並在未來分享更好的音樂。所以希望大家留意我們。」

為慶祝FIFTY FIFTY取得佳績，唱片公司更在香港銅鑼灣購買大型廣告板，成為Fans打卡熱點，成員Saena對海外成績感興奮，坦言為樂迷代出所有：「呢首歌嘅Message係『靠自己改變命運』，可能於日常及感情都會有唔完整嘅時候，好似邱比特連錯咗一對情侶咁。但係我地只要唔依賴邱比特，增強自信同令自己變得更好就可以改變命運，所以同我地組合嘅座右銘係一樣！我地希望會成長，我地要不停進步，做更好嘅音樂比大家！」Keena表示，暫未有計劃舉行全球巡迴開騷，但期待舉行時與外地Fans見面。

今次新歌同時推出英文、韓文版本，令到FIFTY FIFTY在外地爆紅，成為影片平台熱搜組合，成員Aran就希望去海外與Fans見面：「今次歌曲有兩個版本，我覺得兩首歌形式都唔同，大家可以享受唔同嘅版本。其實我地一直都好刻苦練習，希望將最好嘅表演帶比觀眾，希望大家可以期待新嘅音樂。如果有機會都想同香港嘅藝人合作，可以傾吓點Cross Over！另外，我想多謝團隊，令我地嘅音樂回歸韓國樂壇。」