一副柔弱外表的創作歌手黃千庭（Brian）在2013年毅然到台灣踢館《華人星光大道3》，沉寂三年之後2016年正式出道做歌手，背後原來有段故。

Brian本來在讀書的時候，已經有在商場和酒吧酒吧裡做Part Time歌手，到畢業後沒有即時入行做歌手，反而是在幕後做廣告製作人，他回憶道：「五年前因為自己讀音樂，畢業嗰陣要交份功課，所以就將自己寫嘅歌用實驗性質咁出咗張EP，嗰一年吸引咗一班粉絲。」但Brian未有自滿，反而覺得自己做得未夠好，距離合格還有很大的進步空間，所以打算再磨練一下參與幕後做廣告音樂後製，但這條路並不是一路平坦。

「初初係好抗拒，直情係唔想做，因為啲客好多時唔識音樂，只會用好聽唔好聽，快啲慢啲開心啲去形容，我覺得佢哋好唔尊重件事，直情有諗過叫佢哋搵第二個，但慢慢發現好多音樂係做畀唔識音樂嘅人聽。」小小挫折未有令Brian停步，慢慢地他開始掌握到客人的要求，亦明白到音樂創作是人與人之間溝通的橋樑，經驗的累積令Brian開始對未來有了初步的草圖。

本打算是參加《華人星光大道3》海選的他被挑選做踢館嘉賓，實力被公眾肯定，Brian覺得是時候了，他開始到不同公司自薦入行，但回望之前台灣踢館一事，原來Brian一點都不喜歡音樂比賽的，「自己唔鍾意比賽嘅感覺，音樂永遠都冇標準，只有每個人嘅口味唔同，我鍾意嘅野未必其他人鍾意」。對於音樂的口味，Brian有自己一套想法：「我嘅好處係細公司，可以出自己風格嘅歌，我新歌流行性唔係好高，未必好多人會唱K會唱，但香港市場好少有，但佢有佢嘅需求。」Brian坦言自己的唱法比較小品抒情，覺得自己比較適合台灣市場。

Brian形容自己「周身刀，但冇張利」，所以他珍惜每次做音樂學習的機會，他曾經與監制伍仲衝、填詞人林若寧合作，在前輩身上每每發現到自己的不足，亦明白到在這個演藝圈的生存之道，他說：「我做咗音樂五年，我以前真係會好想紅，好想好多人識，呢五年經歷識咗好多朋友，發覺好多野都控制唔到，只有堅持自己做音樂，紅唔紅真係睇你好唔好彩。」

在音樂這條路上，Brian給自己定下「五年限期」，如果闖關不成功，他只好向現實低頭，回到廣告界做後製，「依家既經濟能力只係岩岩好，五年後成績唔係咁好，就會退落嚟幕後做廣告，音樂制作收入係唔錯，唔可以淨係為自己著想，要顧及屋企人同另一半。」

攝影：黃國立