李克勤重返母校開騷　梁榮忠一雞兩味做埋fb live主持

李克勤不經不覺已加入樂壇30年，為紀念入行30年，克勤除了推出專輯《30克》外，於昨晚播出的《李克勤30周年演唱會校園Live》中，更重返母校華仁書院開騷，與老師們，新知舊雨及一眾樂迷分享喜悅，更邀得合作多年的好拍檔梁榮忠作主持。

克勤打頭陣唱出《一個都不能少》，歌詞中：「你贈我美好的意外/明日讓我繼續傳開給有緣相交的每個」正好代表克勤當時的心情。梁榮忠一出場就恭喜克勤，不過克勤就反問中仔：「點解你可以喺TVB出現嘅？」兩人鬥嘴一輪後，忠仔提到兩人1992年開始互相認識，所以克勤當年識咗生命中最重要嘅同女人(太太)，以及生命中最重要嘅男人。又感性地說：「我仍然企喺李克勤隔籬，所以我諗你應該當咗我係自己人。」克勤又憶述，當初都未清楚梁榮忠能否現身TVB，後來致電TVB其中一個「話得事嘅人」，對方說：「其實佢一直都可以喺TVB出現㗎，有問題㗎咩忠仔？」克勤又打趣道：「原來呢十幾年你白白浪費咗好多機會，你明唔明呀？原來你一直可以喺TVB出現㗎！幾多劇來係你拍㗎！」全場fans聽到都捧腹大笑。

演唱會更展示克勤初中時的照片，克勤看見舊時的照片被翻出都一把冷汗，表示那照片攝於中三：「中一張相戴眼鏡仲『啃』呀！」然後忠仔找到中一班主任Miss Kwok證明克勤冇講大話，Miss Kwok話：「佢(克勤)當時大約12歲，克勤中一個樣冇咁靚㗎。」

克勤為不少歌曲親手填詞，莫非他一向中文成績好？誰知他自爆說：「自己係反面教材，話自己會考中文得C定D，但係都寫咗好多首詞。」節目尾聲克勤講到自己入行30年的感受：「由第一隻唱片到依家，經歷咗30年，高又好低又好，去到呢一個階段仲有咁多人支持我，我覺得我已經係個幸福嘅人，係我嘅福氣！希望大家喺將來嘅日子繼續畀呢啲福氣我！」畫面又播出克勤入行多年來表演的片段，轉眼間克勤換過不同造型，現在增添了點成熟穩重的感覺。

節目播出後，就到克勤於自己fb專頁開live，同樣找來梁榮忠作主持，而且克勤有事先張揚，post出與音樂總豎何秉舜，結他手Sean認真排練的片段，又寫道：「絕非求求其其東拉西扯隨便唱一兩首。」忠仔又大讚克勤：「識咗你咁耐，真係第一次同你講，你唱live真係好好聽呀！」

於正式fb live，克勤與忠仔keep住鬥嘴，克勤話：「我點止十隻八隻金曲呀！」忠仔反問佢：「咁你係咪想唱到聽日吖？」克勤又講到今次fb live與並非一般手機自己拍的fb live而且現場有近30名觀眾，他表示：「一係就唔做，一做就做得精彩啲！」克勤又自爆歌曲《紅樓夢》MV中，自己有古網造型，仲話：「諗番起都精彩呀！」雖然克勤叫歌迷上YouTube搵嚟睇，但係於YouTube找不到原裝MV。fb live中周慧敏、容祖兒、劉浩龍等人都留言要克勤唱《舊歡如夢》，但克勤非常尷尬，不斷拒絕，容祖兒更提議不如一半《舊歡如夢》，一半《閃電傳真機》。

想回味李克勤歷年來不同造型，就點擊下圖放大睇睇啦！

有網民整合了是次fb live的歌單：

1.《紙牌屋》

2.《九月中的陌生人》

3.《好戲之人》

4.《最愛》

5.《舊生會》X《16號愛人》

6.《破曉時份》

7.《一個人飛》

8.《追》

9.《風繼續吹》

10.《月半小夜曲》

11.《大會堂演奏廳》

12.《再一次想你》

13.《C3PO》

14.《高妹》

15.《一千零一夜》

16.《飛花》

17.《你是我的太陽》

18.《舊歡似夢》

19.《閃電傳真機》

20.《世界末日的早上》

21.《誰願分手》

22.《霧之戀》