MIRROR將在本月12日在倫敦The O2 Arena舉行首場海外巡唱，12子今晚（9日）現身香港機場，出發往倫敦。逾百神徒、姜糖、Hellosss同爵屎早早到場霸位送機，並大叫「MIRROR good show 」。

約在晚上9時半，姜濤與Ian率先現身VIP通道；AK嘅保姆車停定後，心情大靚嘅佢伸出長腿同大家打招呼再落車；Lokman 與Alton 落車後，問到心情如何，二人異口同聲表示「期待」；Anson Lo與Edan落車後，不時與在場守候嘅粉絲打招呼，試過坐長途機食足4餐嘅教主，今次話要食足6餐。而今晚有份演出《王雙駿HATS ON音樂會While the Music Lasts》嘅Jeremey同Jer一前一後到場，Jeremey 更可惜地表示同唔到Carl叔叔合照，而最後到場嘅Jer就表示知悉有樂手跌落台，並希望對方平安無事，而自己嘅演出部分就未有受到影響。