區議員「秘撈」做通宵保安日賺五百 背後原來仲有一萬蚊賭注
撰文：呂諾君
出版：更新：
沙田區區議員陳國強在區議會網頁上職業一欄顯示為「公司董事」，但日前他卻在facebook貼發帖，指自己「今早06:50，終於完成第一夜的12小時保安工作」，更指可能是現職400多位立法會及區議會議員之中，會去試做保安的「第一人」。到底他所為何事？《香港01》記者致電他親自解說！
陳在facebook上貼出照片，指自己昨晚做了一夜保安員。(Facebook截圖)
與人打賭後，陳國強再次當上保安員。(陳國強提供)
「起源係佔中期間，我同啲朋友着住西裝落場，畀一班本身做保安員嘅uncle笑我哋離地只係『扮佔中』，於是嗰陣同佢哋輸賭6000蚊，賭我可唔可以連續做6日保安員！」當年因不甘被人揶揄，陳國強果真去了當6日保安，結果贏到阿叔，但他也沒收下6000大元，亦將該6日的收入捐了給慈善機構。
原來因為穿西裝去佔中，他不甘被人揶揄所以去做保安？(資料圖片)
「今次就因為公司有個新嚟嘅保安，問我呢個故事係咪真㗎，我又同佢打賭一萬蚊，話半年內做夠30日保安我就贏，尋晚就係第一日囉。」陳表示，今次份工是由該名保安員介紹，他再前往見工，「認真做，梗係要認真見工啦！」見工時他沒有跟僱主提及自己是區議員。不過在哪裡做保安，他卻因「仲要繼續做」不便透露地點，只肯說是在某私人屋苑工作。
完成首晚工作後，他形容夜更保安員的工作「好悶」，「都係巡下樓梯，由頂行落地下簽下簿仔，可以喺更亭休息下，但得自己一個好無聊！」陳又指，當保安時發現香港人常呼呼喝喝，日做12小時，日薪只有500多元，因此他希望大家都要體諒保安員「捱眼瞓」守護居民的辛酸。
