警方新界北總區交通部上周在元朗、屯門及天水圍一帶進行反非法改裝車行動，扣查15輛汽車。被扣查的車輛部分被改裝死氣喉、放氣哇佬及八字胎等，導致行駛時發出的聲浪擾民。有汽車專家表示，改裝死氣喉後行駛時會發出巨大聲響，惟其性能之分別只能體現在賽車跑道或運動場上，在一般市區的道路上難以感受分別，更有可能因摩擦力增多，導致車胎磨蝕更嚴重以及加快汽油耗損速度，得不償失。

香港汽車工業學會會長李耀培表示，部分車主希望改善汽車性能，會改裝死氣喉及放氣哇佬、八字車胎等，「一般喺市區嘅道路體現唔到，因為只係快咗0.1秒左右，要喺啲賽車跑道或運動場先睇到個分別」，李耀培提醒，由於改裝後會增加汽車的摩擦力，車胎磨損更嚴重，汽油耗損速度亦會更快，可能得不償失。

李耀培又指，經改裝後的車輛行駛時會發出巨響，「改裝後冇咗死氣鼓，死氣鼓本來用嚟隔音，踩油時冇乜聲，但冇咗就會直出，好大聲，唔只樓上聽到咁簡單，好遠都會聽到」。他更指，若附近民居長期受這些巨響滋擾，嚴重可影響聽力。由於「鍊車族」喜歡選擇一些鄉郊僻靜道路「試車」，體現改裝車的性能，屯門及元朗一帶晚上較少車輛駛經，容易成為他們聚集的地方。