昨（8月4日），荃灣發生一宗「大隻EU」跳海救人一幕!案中一名59歲男子因家事及金錢問題跳海尋死，幸被一名衝鋒隊警員落海救起，清醒送院，但半裸一同送院檢查的「大隻佬」警員黃偉興反而成為焦點。他與警長韓俊麒講述昨日救人經過，第一次落海救人的大隻EU警員黃偉興表示自己職責是救人，今次已經做到自己要做的事。

第一次落海救人的黃偉興當時與警長韓俊麒接到任務時正在荃灣福來邨，韓俊麒考慮到「早一分鐘到現場，就可能早一步救到傷者」，所以選擇徒步跑往現場。二人只用了約一兩分鐘就已經到達現場，當時消防及救護員仍未到場，但墮海男子當時已經在離岸5至10米的海上載浮載沉。「大隻EU」黃偉興表示，他們到場時已經發現有途人將救生圈拋落海面，但事主並無捉實，於是決定落海救人，將事主救回岸邊。黃指出，當時他曾伸手拯救事主，打算讓事主捉緊卻被他撥開，幸好拯救過程期間事主沒有太大掙扎，在湍急的水流中被黃推到岸邊後，再由消防及救護人員合力救起。

黃偉興加入警隊約5年，曾駐守新界南機動部隊，半年前調到衝鋒隊，指今次是第一次落海救人，坦言落水時「已經諗唔到自己安危，第一時間一定係救人先，其他嘢諗唔到」。黃偉興又形容「我嘅職責就係拯救生命」，今次落海救人「已經做到我要做嘅嘢」，未來打算「學多啲嘢，之後再諗」。他指家人從新聞得知他昨日落海救人後「有讚賞我，非常開心」，笑言由他加入警隊開始，家人已經知道「呢份工其實危險」，所以他經常會與家人分享工作經歷，「佢哋聽慣咗，知道其實正常嘅呢啲嘢」。

而在救援中負責督導角色的警長韓俊麒亦曾試過在岸邊捉緊事主，但當時事主「極力反抗」撥開警員，於是決定讓警員黃偉興落海救人。韓俊麒表示，他當差近12年，最難忘是一次在葵涌邨發生的火警，深入火場裡「孭啲小朋友、抱啲阿婆落樓」。然而，今次警長卻是第一次與落海同袍合力拯救墮海市民，他表示今次角色不同，作為督導人員，「啲同事做到（救人），我係更加滿足」。