【車Cam直擊】深水埗小童亂過馬路 三名警察及時趕出救人
撰文:鄧栢良
出版:更新:
深水埗荔枝角道與欽州街十字路口,交通繁忙,如不根據交通指示過馬路,分分鐘釀成悲劇。但網傳一段車Cam片段,卻見到一小童疑無視交通燈號,穿梭於馬路與汽車之間,險象橫生!
警員手急腳快抱起小童回行人路
該段片短一開始即見一名小童疑不理會交通燈號,突然橫過欽州街行人過路處,幸好當時一輛準備右轉入欽州街的貨車及時收油減慢車速,才避免撞倒小童。惟其後小童並無因此返回行人路,反而再次橫越大馬路,快步走向荔枝角道。目睹整個過程的駕駛者嬲爆怒斥:「嘩!痴X線架!」隨即響按提醒其他道路駕駛者留意小童,此時亦有三名警察邊舉手示意,邊奔出馬路,將小童抱起返回行人路。由於小童似無家人陪同亂過馬路,險釀成悲劇,大批網民看到車Cam片後怒斥小童父母「去咗邊?」,並質疑有人疏忽照顧兒童,同時大讚三個阿Sir眼明手快及時救人。
網民點睇:
點解啲人可以俾個細路自己通街跑架?
真系好彩👮(警察)眼明手快咋…
唔係次次咁好彩,今次當個教訓
唔係咁樣都唔告父母呀?
痴線,咁細個都唔拖住。個阿sir仲緊張個老豆老母飛奔去拖返個細路