荃灣疑出現走數男，店主在fb尋人，「請大家幫幫忙，如有認識此人，煩請通知他到福來邨海連茶樓找數。」荃灣福來邨海連茶樓負責人蔡國光，周日（14日）晚上於facebook群組「葵青友」，上載兩張閉路電視畫面截圖，事件引起爭議，令人懷疑有人刻意「走數」。

男子稱「轉頭返入嚟」　遂失去蹤影

海連茶樓負責人蔡國光今向《香港01》表示，事發於上周三（10日） 上午約10時45分，一年中年男子於店內，以72元享用3碟點心。惟男子進食雞扎期間，突然走出店外，並着店員「唔好執，轉頭返入嚟」，自此失去蹤影。

老闆：想提吓佢找數

蔡國光指，涉事男子並非熟客，至今並未報警，「唔知佢係咪唔記得找數，幾十蚊，好似好尷尬，費事搞咁大， 落口供仲麻煩……畀咗成個禮拜佢，佢都未返嚟，所以擺上網畀人睇吓，想提吓佢找數 」。蔡續稱，過往甚少發生「走數」事件，「就算走咗都識返嚟，多數都熟客」。