灣仔金紫荊廣場對出發生嚴重交通意外。今（30日）上午11時許，一輛旅遊巴撞及一名66歲姓趙內地女遊客，並輾過其右腳腳掌致血肉模糊，地上留有大攤血漬。救護人員到場，該名婦人仍然清醒，為她急救後送院治理。警方正向肇事62歲姓黃旅巴司機調查意外原因。

途人拍下意外後片段，傷者右腳一片血肉模糊，拍攝者不禁驚呼：「冇咗隻腳喇，好恐怖，見到啲骨！」但面容卻十分冷靜，兩名親友在旁陪伴。救護員到場為傷者簡單治理，隨後送院。

於金紫荊廣場附近工作的清潔工指，意外發生時，正是他們午飯時間，故未有目擊意外過程，只見一名內地女遊客右腳受傷，坐在馬路中心，並依靠著其他團友身上,「不過佢好堅強呀！佢冇喊又冇痛苦嘅表情，佢後面嗰個仲驚過佢！」。未幾，救援人員便到場將傷者送院治理。清潔工續指，現場有大量內地旅客，他們經常罔顧路面情況，混亂過馬路。「佢哋成日同啲車鬥快，當啲旅遊巴係紙紮咁，好似車佢哋路死㗎。」