屯門發生車禍。網上流傳一條閉路電視片段，顯示昨晚（30日）7時許，一輛粉紅色私家車沿青山公路藍地段往順風圍方向行駛，私家車正當想右轉入去順風圍時，先駛到右轉袋口位等候其他車輛直駛離開，當沒有車輛直駛，私家車慢慢轉右。

但一輛電單車沿青山公路藍地段往屯門方向直駛過來，懷疑收掣不及猛撞私家車左邊車頭，鐵騎士頓時人仰車翻，整個人碌過車頭冚，司機見狀立即下車了解鐵騎士傷勢。

警方表示，昨晚（30日）7時36分，電單車沿青山公路藍地段往屯門方向行駛，途經青山公路藍地段近順風圍時，和一輛私家車相撞，43歲鐵騎士手腰受傷，清醒交往屯門醫院接受治理，傷者和36歲梅姓私家車男司機通過酒精呼氣測試。

許多網民留言指「架私家車肯定見到架電單車過緊嚟，真係唔知點解佢仲要咁慢出」、「最憎呢啲出袋口位，慢過蝸牛」、「袋位出都仲唔畀油」、「應畀油嘅唔畀油，應收油嘅唔收油，打和」。