中環發生爆水喉事故。本周六（24日）晚上10時許，兩名工人前往威靈頓街85號一棟商廈維修水喉，其間水喉突然爆裂，一度湧出大約3米高水柱，甚至射到對面行人路，工人立即報警求助。

就現場所見，兩名男工人用肉身和卡板頂住水柱，防止再射到對面，其他同事聞訊關掉水掣，附近麵檔同受「水害」，店內地板和枱櫈濕透，職員立即拉閘抹乾。

其中一名用肉身頂住水柱的工人羅先生表示，涉事商廈地庫商戶日前投訴漏水，所以羅和同事晚上約10時抵達維修，經了解後相信地面水喉出事，左邊水喉是食水喉，中間和右邊水喉同是消防喉，打算更換左邊和中間水喉期間，同事明明已經關掉水掣，但他們見到水喉仍有少量「水尾」，懷疑開喉檢查，結果右邊水喉爆裂湧出水柱。

羅形容「射到好誇張」，自己和同事臨急生智，唯有用肉身和卡板頂住，否則波及其他商舖，「到時唔知點計」。

羅笑言被水柱射到「好痛」、「底褲都濕埋，全身濕晒」，但他和同事苦中作樂合照留念，當中羅擺出「V」字手勢。