將軍澳翠林邨單位 插冷氣機拖板疑失火 男住戶穿內褲逃生
撰文：翁鈺輝
出版：更新：
22
1
5
8
6
今日（24日）上午11時半左右，將軍澳翠林邨輝林樓一個高層單位，懷疑插着冷氣機電掣的拖板短路起火，男住戶撲救不果，穿內褲匆忙逃生；消防接報出動一條喉及一隊煙帽隊灌救。
火警於32分鐘後救熄，3女1男（24至75歲）吸入濃煙不適，送院治理；人員亦救出一隻英國短毛貓，約150人疏散落樓。
起火單位姓劉的男戶主其後折返，他經了解後稱懷疑是插有冷氣機電掣的拖板起火。他說：「應該係拖板電線呀，噚晚已經有燶味，搵極都搵唔到（源頭）。今朝去咗游水，返嚟就着火。一陣燶味，已經周圍搵㗎喇！」
劉續說拖板插有冷氣機的電掣：「冷氣條電線過熱呀！拖板喺梳化下面，梳化底着火。」兒子嘗試救火，但不成功：「梳化係布，點救？拉兩條消防喉救都救唔到，幾乎連佢都焗死，後尾頂唔順走人。連鞋都無，着條底褲出嚟。」
