前財爺曾俊華遭騙徒假冒　網現搵快錢假「專訪」　fb發文籲勿受騙

前財政司司長曾俊華於昨日（12月31日）除夕夜在facebook發文，講述自己被騙徒冒認及以其名義發出的一篇假專訪。他風趣幽默稱﹕「我希望喺2022年嘅最後一日，向大家披露一個真相——我冇做財爺好耐喇，我真係唔知可以喺三四個月內變百萬富翁嘅搵快錢方法。」
他續指，「近日唔少朋友都話喺網上見到我一篇『專訪』，指我分享咗一個能夠搵快錢嘅秘密。其實，我好有信心，平日有睇開我facebook嘅朋友，一睇就應該知道呢個係假消息，假新聞，咁喺呢個時候，都搵『提子』出一出場，提提各位精明嘅老友，提防騙子 ，繼續開心準備迎接2023年！」

香港警察Facebook亦回應事件稱，曾俊華呼籲大家切勿盲目相信騙徒的假「專訪」，並指曾俊華邀請防騙吉祥物「提子」出場，提醒市民提防騙子。警方呼籲，凡事要調查清楚，切實人講就信，便可以避開網絡陷阱。如有懷疑，可透過「防騙視伏器」 (網址： https://cyberdefender.hk )，或致電「防騙易」熱線18222查詢。