今日（13日）上午9時53分，灣仔軒尼詩道187號有一隻白色毛的貓由高處墮下，跌落一輛駛經的平治房車，車頭冚近擋風玻璃位置凹陷損毀，貓隻反彈墮地當場死亡，警方接報到場展開調查，並用紙箱及黑色膠袋遮蓋貓屍。警方事後拘捕一名姓鄧40歲女子，據悉為屋主，涉嫌殘酷對待動物。案件交由灣仔警區刑事調查隊第六隊跟進。

車主在場講述事件經過稱，當時準備左轉往會展，因為紅燈慢駛，突然貓咪墮下，嚇了一跳。他說：「好慘呀！隻貓都幾靚，我都嚇親。好靚，啲毛又好靚，希望唔係上面嘈交掟佢落嚟啦！自己跌就無計，不過（貓主）都有責任啦！要窗花，養貓要加固，隻貓仲要養得咁好。」他表示要待警方調查，再視乎情況向保險索償。

約10分鐘後，一名女子落樓表示是貓主，她趨前認領貓屍，並向警方提供資料。稍後警方以殘酷對待動物予以拘捕。