今日（30日）傍晚6時許，深水埗南昌街及偉倫街交界發生交通意外。一隻狗被駛經雙層九巴輾斃，伏屍馬路。現場可見，狗屍由一件外套蓋住，遺下一灘血跡；狗主神情哀傷，掩面痛哭，並合十雙手為離世狗狗祈禱。據了解，狗狗疑為7歲大的貴婦狗，當時由狗主手抱準備過路，但突然掙扎跳出，遂被雙層九巴撞斃。

涉事巴士司機稱事發時為綠燈，當時狗主於路邊抱住貴婦狗，但狗突然掙脫並跳出馬路，由於巴士距離太近，收掣不及，於是撞倒狗隻，「收唔切啦，太近啦，佢（狗）突然間跳出嚟，我望到佢呀，但係停唔到啦！」巴士司機續稱，撞倒狗隻後將巴士停在燈位，下車查看其情況時，發現狗主十分激動，並跪在地上痛哭，「佢（狗主）好激動呀，喊咗好耐呀」，之後報案求助。