未選舉先開火 葉劉:田北俊周圍搞 田少:新民黨非建制派只保皇

撰文:黎靜珊
出版:更新:

立法會選舉逼近,建制派陸續公布可能出選名單。自由黨打算派出元朗區議員周永勤出選新界西,硬撼新民黨田北辰。新民黨主席葉劉淑儀直指自由黨做法或令田北辰不夠票,責難自由黨榮譽主席田北俊素來喜歡「周圍搞」點火頭,田北俊今早在港台節目反擊,認為自由黨在新界西扎根多年有市民支持,批評葉劉「一吹雞就歸隊」,是為「保皇黨」。

葉劉淑儀批評田北俊:「佢港島幫王維基呀嘛?咁咪即係度度都點起啲火頭。」(資料圖片)

葉劉:度度點火頭 自由黨作風

談及選情,葉劉淑儀批評田北俊說:「佢素來都鍾意咁㗎喇,佢素來都鍾意周圍搞㗎喇下嘛,咁都冇法,我哋自己做好自己嘅準備工作,佢港島幫王維基呀嘛?咁咪即係度度都點起啲火頭,素來係自由黨作風嚟嘅。」

田北俊反擊葉劉淑儀:「講法幼稚啲囉,知唔知阻止人參選係犯法㗎?」(資料圖片)

田少:新民黨派人選新東又係咪搞局?

田北俊也不甘示弱還擊:「你新民黨(與公民力量結盟)嚟新東,又話考慮派個人出嚟選,你新民黨又係唔係出嚟搞局呀?周永勤去新西就叫搞局……講法幼稚啲囉,知唔知阻止人參選係犯法㗎?……咁講法所有政黨都唔使發展㗎喇。」

「新民黨葉劉淑儀乜投票都支持政府,話就話監察政府,但次次投票支持政府,一吹雞就歸隊你點形容佢?我唔覺得一吹雞就歸隊叫建制派。」

未到提名期,立法會選舉已開始烽煙四起。新民黨與自由黨,都有意派人出選港島區、新界西及新界東選區,兩黨元老隔空對罵。新民黨主席葉劉淑儀昨直指自由黨榮譽主席田北俊「素來都鍾意周圍搞」,四處點起火頭,反問記者「佢港島幫王維基呀嘛?」,似不滿田支持自己在港島區的潛在對手。

田北俊今日在港台節目反撃,指新民黨亦與公民力量結盟搶攻新界東,現自由黨考慮派出周永勤出選新界西不應批評為「搞局」,認為說法幼稚,而且阻止參選是犯法。他又直斥葉劉淑儀「保皇黨」,口說監察政府,身兼行政會議成員的她卻次次投票支持政府,認為「一吹雞就歸隊」的不叫建制派,相反自由黨是「開明建制」。

自由黨反梁連任 爭中間選民

田北俊承認,以反對梁振英連任爭取議席,認為可以藉着處理管治問題,紓解市民對2047前途問題的憂慮。他強調「對事不對人」,如果梁與泛民關係修好,泛民不拉布,也不會反對其連任。他表示自由黨曾做民調,三成受訪者自認建制派,三成受訪者自認泛民,四成「中間」市民當中,有六成多不支持梁振英連任,反映打「反對梁振英連任」旗號、主張做「和事佬」有助吸引中間選票。

對於《明報》專欄李先知引述消息指,自由黨不斷倒梁,「有關人士已開動機器,收集自由黨中人的黑材料,並會在未來3個月發布」,田北俊回應稱「呢啲每年選舉都有」,直言梁在選舉中喜歡做這些事,新聞統籌專員亦「最叻做呢啲嘢」,強調黨員中正,有黑材料的話一早被挖,可能只想威嚇令自由黨打退堂鼓,未必有證據。他認為,如果所謂黑材料非涉及刑事,都不是「大件事」,估計與黨員開公司稅務有關。

你可能感興趣