【畢業的季節】畢業禮物買乜好?推薦你靚靚乾燥花束男女都啱!

網購攻略
網購攻略
撰文:
最後更新日期:

畢業季節又到喇!唔好以為𠵱家仲早啊,因為如果要訂禮物送畀畢業嘅朋友仔,𠵱家係時候㗎喇!以前就話興送毛公仔,但係悶唔悶啲啊,小編話你知今期送畢業禮物一定係送乾花!

𠵱家想訂花真係超級方便,坊間有好多選擇,而且上個Instagram搵一搵就可以見到好多唔同款式嘅花束,全部任均選擇,仲可以幫你度身訂造個人訂製𠻹。今次小編就嚴選咗4間賣乾花束嘅IG店同大家分享,睇吓有冇啱心水啦!

1. 💐Instagram@betabularasa 

呢間IG Shop嘅乾花款式十分多,咩色調都有,唔好以為女仔先啱啊,修長型花束或者較深色調嘅花束都好適合送畀男仔。除咗花束之外,仲有花盒﹑花圈等。而且呢間小店之間仲有推出過手作班,手把手教你親手綁花束,仲可以製成小擺設,擺喺屋企﹑office做裝飾,絕對賞心悅目!有興趣記得留意小店最新資訊,可以直接聯絡店主查詢詳情。良心小店,請大家大力地懲罰佢!

+5
+4
+3

2. 💐Instagram@cottontreeflorist 

佢哋嘅花束包裝十分精緻,綁紮嘅款式令到成束花立即好有儀式感!而且小編好欣賞佢哋紮花束嘅絲帶,印有自家店名,設計好有時尚感。而佢哋主打比較女生嘅款式,想朋友拎住你送嘅花成為全場焦點?呢間小店絕對係一個好選擇!

+4
+3
+2

3. 💐Instagram@daisyzoom

呢間IG小店賣嘅乾花束十分精緻,所有花嘅配襯都好有心思,比起一般嘅「小文青」乾花束,佢哋嘅花束更加色彩鮮艷,好有春天活潑嘅感覺。而且包裝乾花嘅花紙唔會好大,從而更加突顯乾花嘅色澤同配襯,令到成束花感覺好滿溢好豐富。

+4
+3
+2

4. 💐Instagram@fruit_teens

覺得送花唔實際的話,有冇諗過可以送食得嘅「花」呢?呢間小店好出名,事關佢哋大熱產品之一就係「士多啤梨花喇」!用50粒士多啤梨砌成一束花,唔止睇得,影完相仲可以食𠻹!相當有心思~ 佢哋一樣有乾花或保鮮花束賣,太陽花絕對係呢間店最受歡迎款式之一,揀啱色調,好適合送畀男仔!

小編提提你,乾花保鮮花係兩樣嘢嚟㗎!乾花同保鮮花一樣都係經過乾燥及加工處理,可以保存1-2年。但保鮮花係利用新技術將鮮花保留落嚟,顏色同質感都同鮮花十分相近,所以價錢一般都比乾花較貴。

訂花之前記得問清楚店主吖~ 而且呢幾間店嘅花束都有分唔同大小,所以買之前可以慢慢同店主查詢了解清楚。朋友仔畢業,點都要支持吓啦!

(產品資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

👉按此進入Telegram優惠碼發放區👈



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。