【聖誕禮物2019】總結今個聖誕節男友最想收到的4大禮物—高階篇

網購攻略
網購攻略
撰文:
最後更新日期:

又到聖誕,又到聖誕!聖誕節收到禮物固然開心,但其實自己親手準備禮物畀另一半,嗰種開心可以話係Double up!不過,挑選禮物畀男朋友都係一種「甜蜜的煩惱」。事關好多姊妹們都曾經墜入過送禮誤區,就係送咗一份自以為對方收到後會好感動嘅禮物,最後發現感動到嘅只有自己😢。打後每逢節日,男朋友都會話「唔使送喇」、「唔好嘥錢喇」等等。其實對於男士們嚟講,禮物好簡單,最緊要係「實用」!如果能夠送一份正中男友下懷嘅禮物,相信佢收到後必定興奮得血脈沸騰啊!

「100分女朋友」真係唔易當,一來對於揀禮物完全毫無頭緒,二來又怕男朋友收到禮物後無驚又無喜。雖說「物輕情義重」,但如果稍為有啲經濟能力嘅姊妹,不妨可以花多小小錢送一份既實用,男朋友收到後又絕對會「加你分」嘅禮物喇!

有見及此,小編已經向身邊嘅男性朋友們虛心請教,最後總結咗以下 4 件普遍男性們最想收到嘅實用聖誕禮物—高階篇,請各位姊妹笑納。

1.Nintendo SwitchHK$2,003.63​起

如果你嘅另一半嗜好係打機,送Switch絕對係最佳選擇。點解?事關小編身邊嘅男性朋友們都一致認為,當女朋友願意送佢一部遊戲機,就正正意味住「女朋友終於批準我打機」。咁以後佢就唔再需要偷偷摸摸地打機喇!所以話,Switch唔係一部遊戲機咁簡單,背後嘅意義極大!😏😏😏

對於男士們嚟講,有咩感動得過尋覓到一個肯陪佢捱M記嘅女人?咪就係一個肯陪佢打機嘅100分女友囉!Switch有好多適合2個人一齊玩嘅遊戲。平時拍拖活動來來去去都離不開行街、睇戲、食飯。若果放假想喺屋企抖抖,又想同男朋友仔二人世界,不如一齊玩吓Switch,有得互動之餘,又可以陪佢做佢最鍾意做嘅活動,男朋友今次仲唔冧到爆?想知有咩Game適合情侶玩,撳入下圖睇小編推薦:

🔻二人遊戲推薦🔻

+3
+2

2. GoPro HERO 8 Black HK$3,300

男朋友係屬於運動型,鍾意同陽光玩遊戲?咁GoPro就啱晒佢喇!作為一部運動型攝影機,GoPro稱得上係行內嘅佼佼者,性能方面絕對係毋庸置疑,而知名度亦可以話係無人不曉。無論係上山下海,抑或出國旅遊,GoPro絕對係大派用場。

早前,GoPro推出咗最新型號 — GoPro HERO 8 Black,性能上完全提昇到另一層次。皆因GoPro HERO 8 Black採用全新Hyper Smooth 2.0防震功能,即使冇手持穩定器輔助都可以拍出超流暢穩定的畫面。如果放假鍾意同男友一齊行山、露營、周遊列國。咁就可以帶埋GoPro,同男友拍底旅程中嘅一點一滴,拍底屬於你哋兩人嘅Vlog!

3. DJI Mavic Air 航拍器 HK$6,299

如果你男朋友愛好攝影,一般單反相機相信已經不足已滿足佢對攝影嘅野心。呢個時候,航拍機絕對係送禮首選。但係市面上嘅航拍機選擇極多,價格落差亦好大,平至百幾元,貴至數萬元嘅航拍機都有。到底應該點樣揀好?

其實喺物色航拍機時,應該要先衡量自己預算、需要及其功能從而揀出性價比最高嘅選擇。小編都向攝影發燒友請教過,再綜合埋網上各買家分享意見,如果你正在尋覓一部高穩定性、高續航力、高畫質、輕便易攜嘅航拍機,「DJI大疆 Mavic Air 航拍器」會係性價比最高之選,唔單止網上一片呼聲,連Youtuber 大J都大讚,稱佢為係「暫時最適合旅遊,最強既航拍機!」

DJI大疆 Mavic Air 航拍器賣點係首部最強最輕巧嘅航拍機,折疊後體積與一部智能手機相約,重量都只係約430克。千萬唔好以為佢細細部,性能就會被比下去。即刻撳入下圖睇重點特色:

+3
+2

4. AirPods Pro券後價HK$1,836 (11/25日開搶)

早前Apple推出咗新一代AirPods Pro,加入多個全新功能,喺整個設計、音質方面都有明顯提升。AirPods Pro內置主動式降噪系統,可以有效隔絕外界所有雜聲,隔音效果可以話係超越坊間其它同價位對手,相信絕對可以滿足到對音質有要求嘅男士們。相對地,AirPods Pro定價都提升咗唔少,即使你男友係一名果迷都可能會因為價錢而有所卻步。呢個時候,如果你體貼地洞察到佢嘅慾望,喺聖誕節普天同慶嘅日子裡送佢一部AirPods Pro,今次佢仲唔冧到爆?😍😍😍

🔻AirPods Pro矚目新功能🔻

等等!打算送AirPods嘅姊妹咪走住!小編立即傳授埋全城至抵入手AirPods Pro攻略畀大家喇!

喺嚟緊11月25日(星期一)​中午12:30,網購回贈平台《一網打盡》會同「eBay」合作,聯手推出激筍Airpods Pro優惠,屆時只需要 $1836 就可以買到最新嘅Airpods Pro。《一網打盡》將會透過直播節目《搶購現場》公佈獨家購買連結。經《一網打盡》網購同埋睇直播仲可以額外賺埋01積分以及多重福利當中仲有價值高達 $1000 嘅​現金券

👉搶購AirPods Pro活動詳情👈

想知一網打盡優惠有幾抵,撳入下圖睇Airpods Pro 價格比較:

AirPods Pro 價格大比較!

🔻Airpods Pro 搶購攻略🔻

Step 1: 準時於11月25日​中午12:30 收睇一網打盡嘅直播節目—《搶購現場》

Step 2: 獲得主持人與星級嘉賓送出嘅獨家搶購連結

Step 3: 進入連結後將搶購產品加入購物車

Step 4: 結帳時使用優惠碼【PCNSMZDM1119】(滿USD$200減USD$30) 即可以優惠價買到AirPods Pro!

**優惠碼只限首5000名eBay用戶,每個用戶只限使用一次,先到先得,用完即止**

💁 想要入手AirPods Pro嘅姊妹記緊喺11月25日下午12:30鎖定「一網打盡」網站 或「一網打盡」Facebook專頁,捕捉獨家搶購連結喇!

(以上資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

👉按此進入Telegram優惠碼發放區👈



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。