買聖誕禮物畀Bro好Gay? NO!係愛啊哈利 單身狗都想收禮物啊 汪汪

網購攻略
網購攻略
撰文:
最後更新日期:

聖誕節呢啲咁催淚嘅日子,望見街裡愛人一對對,單身狗們都可能忍唔住要瑟縮街角流兩滴馬尿。相信好多冇節目冇愛人陪嘅巴打都會選擇留喺屋企打足一晚機就咁hea咗佢。Lonely Christmas其實大家都想同重要嘅人一齊過㗎,男人都只係口裡說不,內心其實都想約埋班兄弟一齊過,出去溝吓囡都好。今個聖誕,冇囡陪嘅你,不妨約埋各位單身巴打一齊慶祝吓啦!

小編有一種90%準嘅Stereotype,就係相信9成男人都係冇乜節日概念。作為一個男人,你有幾耐冇收過聖誕禮物呢?可能你又會話:「車,禮物之嘛,好閒啫!」但小編相信,你都係口裡說不啫,試問有邊個唔鍾意收到禮物呢😳 不如今個聖誕節就趁呢個機會氹吓自己同一班兄弟啦!

網絡圖片

你以為幾個男人送禮物畀大家好gay?咁你就大錯特錯喇!小編會話你哋好有愛,好有心思,對朋友都咁好,對女朋友一定仲好,絕對係暖男!可能有啲男仔睇到𠵱度,都係心諗:「唉,搞咁多嘢做乜啫!」但我話你知,覺得揀禮物好煩唔緊要,因為小編早已準備妥當,立刻睇吓以下產品啱唔啱心水啦!如果你都想要嘅話,即係代表送畀你班老死都會鍾意啦!

🔻Nintendo Switch 遊戲《寶可夢劍/盾》(Pokemon Sword/Sheild) 🔻

*官方零售價$429

有玩過Switch嘅朋友一定知最近Pokemon呢隻game有幾hit!小編身邊嘅男同事都日日咿咿唉唉話好想玩,唔趁𠵱家新出嘅時候買,唔通等2020年?而且入手隻game畀你個bro都有着數吖,遲吓又可以問番佢借嚟玩😏 氹到老友開心自己又有得玩,仲唔係一舉兩得?

HK$429係官方零售價,小編知道坊間實有啲賣遊戲碟嘅地方賣得仲平,價錢大約係HK$355-$428之間,得閒去信和或者好景行吓啦!

🔻JBL Flip 5 便攜式防水藍芽喇叭 (藍色)🔻

*HK$570

趁仲有多少少時間,不妨上網揀禮物啦,網購送到屋企,唔使一個禮拜就搞得掂。小編揀咗呢個JBL 防水喇叭畀大家,小編個人都好喜歡㗎,JBL 品質出名唔錯,如果喜歡喺屋企播吓歌,又或者開party需要音樂的話,送畀朋友仔都好實用,最好就係出去玩嗰時以後有人可以自備喇叭喇!😝 

而且呢個喇叭官方建議零售價係大約HK$899㗎!𠵱家經《一網打盡》去eBay度買,只需HK$570,大約係6折嘅價錢。咁平又實用,益吓兄弟都無妨啦。

JBL Flip 5 便攜式防水藍芽喇叭 (藍色)

🔻JBL T500BT 無線頭戴式耳機 (黑色)🔻

*HK$360

同樣都係耳機,但呢個就再貼心啲,因為係一人專享的無線頭戴式耳機!同樣出自JBL,都係高音甜低音準嘅好嘢,而且勝在價錢夠平,只係HK$360咋。假如你想買份禮物敷衍吓班死黨,呢個JBL貼心又實用,都唔失禮㗎。而且成班男人打機一定要一邊打一邊語音對話,買番個耳機畀佢就啱晒啦!諗吓邊位手足有需要啦,實有人啱用嘅😛

🔻Philips NT3160 鼻毛耳毛及眉毛修剪器🔻

*HK$99

好喇嚟到最後一樣,呢樣嘢一定人人都啱用,但係又唔會自己去買嘅嘢,就係鼻毛修剪器喇!相信各位巴打身邊都實有啲不修邊幅嘅滄桑型男人,型係型嘅,但有時都會頂唔順佢實在太不羈嘅造型...... 所以送呢個修剪器畀佢就啱晒喇!🤣 唔單止可以修剪鼻毛,連耳毛同眉毛都可以用呢個修剪器嚟修剪𠻹,絕對係一個足夠應付晒所有需要嘅三合一神奇修剪器

而且勝在夠平,啱巴打用之餘又可以慳住荷包🤫 以後仲可以唔使見到佢啲叉晒出嚟嘅鼻毛喇,YEAH!仲唔係win-win雙贏?99蚊就可以搞得掂嘅聖誕禮物,幾時都話男人一定易氹過女人。

Philips NT3160 鼻毛耳毛及眉毛修剪器

仲記唔記得失戀嘅時候係邊個陪你劈陪你飲悶酒?邊個次次幫你手呃條囡話同你一齊打緊機?邊個知你冇錢使,塞幾百蚊畀你再講句:「拎去使啦,x頭!」

係兄弟啊!!今個聖誕一齊圍爐取暖,買吓禮物畀大家過冬啦。

(產品及優惠資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

👉按此進入Telegram優惠碼發放區👈



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。