【留家抗疫】一個人可以幾耐唔出街?研究:呢個年紀最唔忍得

撰文:
最後更新日期:

本港新冠肺炎第三波疫情持續,確診個案數字連日創新高。當局於周一(27日)宣布收緊防疫限制,於周三(29日)起限聚令由4人縮至2人,食肆全日禁堂食,並呼籲私人企業容許員工在家工作,全民留家抗疫。不過,留在家中太長時間,可能會影響情緒健康,甚至多了和家人爭執。早前日本有機構進行調查,看看人們最多可留家隔離多長時間,發現不同年紀的族群存有明顯分別!

抗疫期間,留在家中太長時間,可能會影響情緒健康,甚至多了和家人爭執。(Getty Image)

40歲人士最唔忍得

日本內閣府去年針對流感疫情,向18歲或以上的民眾進行調查,看看人們為了限制疾病傳播,可接受多長時間的自我隔離。在收回的1473份答覆之中,36.9%的人能一星期不出門,18.9%的人能忍受兩星期,15.4%的人僅能忍受2至3天。

日本野村證券根據這項數據進行加權計算,發現平均一個人可接受14.4天不外出進行實體社交活動,當中不同年紀的人存有分別。40歲左右的人能忍受的時間最短,為12天;70歲以上者能忍受的時間最長,為18天。

按圖即睇3個步驟應對磨擦:

長期困家 影響情緒

留在家中的時間增多,亦會影響情緒健康。註冊心理學家程衞強(Victor)解釋,長期困在家中,社交互動及身體活動減少,情緒自不然會轉差。「小朋友可能會搗蛋啲,或者會搞住爸爸媽媽工作,加上工作壓力,又或者驚緊下個月仲有冇工做,呢啲種種原因都會影響父母情緒。」

他補充,常見的情緒表現會有暴躁、動怒,容易責罵子女或配偶,以及失去動力,做事提不起勁。「甚至有人會打打吓機又呻一下、嘆一口氣咁,都有可能。」

註冊心理學家程衞強(受訪者提供)

預防負面情緒

要應對家中磨擦,第一步是防止負面情緒的出現。Victor建議,可在家中利用「me time」(個人時間)及「me zone」(個人區域)概念。「Me Time大家好熟,即係屬於自己嘅時間,可以沖杯咖啡、食件Cheese Cake、聽下歌、靜觀一下等等,放鬆自己。」

而Me Zone即建立個人工作的區域。「Me Zone可能會有人覺得難做,香港地方細,但其實都得,例如同屋企人講,『如果見爸爸關咗房門,就即係做緊嘢,唔好入嚟打擾』等等;甚至乎無房間可用,也可以在枱面放一個工作中嘅牌,俾屋企人知道呢個時間,要留空間畀你。不過劏房嘅朋友就有困難,呢個似乎係死局,無得搞。」

自我覺察 懂得抽離

Victor表示,當夫婦一旦出現負面情緒,要先覺察,後抽離。「兩者對情緒都要有awareness(覺察力),當自己覺得情緒就嚟爆,就要抽離環境,搵個地方匿埋。喺個廳拗緊嘅,就離開個廳,入書房、睡房。如果屋企細,冇咁多房、咁多個zone(區域),就算走入廁所,洗個面,都係一種抽離。」

他提醒,若不察覺自己的情緒「就嚟爆」,繼續跟對方討論,便會把情緒發洩在家人身上。「就算真係拗緊,都要切記唔好翻舊帳,唔好人身攻擊!」

資料來源:Japan Today



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。