【情侶穿搭】男友主導襯出搭調型格Look 「靚」就是另一半的準則

撰文:
最後更新日期:

「夾」、「襯」總與關係緊扣,人們相信,只要是夾又襯的二人,方能在一段關係完滿彼此。空泛地談論這兩個字背後,是以喜好、習慣、以至價值觀為基礎。如果相信衣着能反映性格,那麼情侶或是夫婦間的穿搭,又會呈現一幅什麼質感的晝面。

Yan(24)﹕Sales and Marketing

林仔(26)﹕地盤雜工

網店「10樓A」的設計師與主理人,交往七年,將於明年結婚。

對他們的第一個印象始於那張在異地的婚紗相,一身紗質雪紡白裙,手持一束紅玫瑰;全黑西裝,口袋插住另一支紅玫瑰。有違一般溫馨、陽光婚照,他們型格行先。拍攝當日,他們一身復古味道穿搭,分別穿了自家設計的下裝,他以出格的格子褲與女友配襯,加上一致的那點藍,型格而搭調。不過,他形容:我哋嘅性格一天一地。

林仔 & Yan(黃寶瑩攝)

型格配襯背後,要配合的,還有日常。型格地相處有他們的學問.....

+6
+5
+4

最心動的那次靚樣......

Yan:啱啱拍拖,仲係中學時期,見到佢着恤衫真係個心都實晒。Gel晒頭,仲要成日整住前蔭,要順風而行。佢件恤衫係拼色,再配卡奇色褲。

林仔:好難諗,因為多數都係我幫佢襯衫,一開始拍拖就已經係我幫佢襯衫。佢依家好懶,每次出街已經係會同我講:你搞掂佢。不過要揀我會覺得影pre-wedding係最靚的一次,佢着婚紗影相,嘩,真係好靚。

pre-wedding係最靚的一次。(studio oak提供)

+4
+3
+2

最唔掂的那個地獄Look......

Yan:我好憎男仔揹tote bag,好gay。同埋有段時期,唔係佢着衫唔得,係佢個頭唔得。佢留長髮,又曲曲哋,再加Supreme Cap帽,成個小巴司機咁,真係有衝動分手。

林仔:第一次約會,佢着一條貼身、短身、梅粉紅連身裙。我真係想斬纜。(Yan:中學冇錢買衫,着家姐衫,我盡咗力。)

如果為對方揀一套着一世嘅衫,佢哋會.....

《女生》總在你身邊,請立即下載《香港01》App



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。