【溫多娜手記】耀才太子女做搞手　斥六位數與員工暢玩迪士尼

香港經濟吹淡風，唔少公司都削減員工活動開支，不過，耀才證券（1428）早前斥資六位數，再度舉辦「耀才迪士尼聖誕同樂日」，令員工可以到迪士尼盡情遊玩，感受聖誕節嘅歡樂氣氛。

另外，集團主席葉茂林日前亦率領一眾管理層出席「耀才聖誕聯歡派對」，同員工上下享用聖誕佳餚。原來兩次活動都係太子女兼主席助理葉頴恩有份做搞手，佢話集團首半年度業績逆市保持亮麗，全靠一班員工盡心盡力為公司辛苦貢獻；佢又希望透過舉辦聯誼活動，促進員工之間嘅互動同溝通，強化上下員工嘅士氣和凝聚力。

溫多娜記得葉生曾經話過自己一直好想退休，俾囡囡擔任主席助理，係想佢響身邊慢慢學習，果陣仲大讚「100分裡面都有90分」，相信葉小姐的表現令葉生相當滿意啦！