【80後看90後】無正職等於懶散？　炒散王創辦人：90後醒過我哋

「90後」被劃為一代人的負面標籤，其工作經驗、處事態度，均淪為箭靶。
外界對90後劣評如潮，卻有80後老闆黃家俊（Eric）挺身舉出3大平反，直言不少90後寧炒散棄正職，絕非懶散、欠理想；並大讚他們是「互聯網世代」：「只係呢代人先做到！」

在香港「炒散」就是不務正業？
80後的黃家俊（Eric），
兩年前推出炒散王App，
為僱主及僱員提供快速配對平台，
每日安排近百名僱員面試，
當中不乏90後。
經親身接觸90後，
他大力為新一代解釋：
「炒散唔係懶散！（佢哋）肯做嘢搵錢喎！」

1. 炒散=懶散？

炒散不及全職高薪？
炒散是懶人之選？
Eric則舉出勤力例子，
有90後男生原在名店擔任銷售員，
月入1.3萬元，
每日工時長達14小時，
其後轉投高級餐廳炒散，
日做12至13小時，
月賺兩萬多元，
比正職收入更高。

炒散唔難搵錢，好多90後都會抱住好奇心，趁炒散試唔同行業；加上宜家啲90後好獨立，唔想屋企有負擔，咪炒散當係自力更新。

2. 返一個月工請10日假=貪玩？

「10個有6個（90後）都計劃去旅行。」
Eric指，時下廉價機票大賣，
年輕人賺夠旅費，
就會請大假去旅行。
有人工作1個月，
馬上請假10日去旅行，
令僱主無所適從。
畢竟僱主多屬上一代人，
習慣傳統「一年請一、兩次假」的模式。

年輕人常呻窮，
轉過身卻提起行李旅遊。
老一輩總會看不過眼，
但Eric認為：「90後搵到錢，都想去旅行、
喺facebook放閃，辛苦返工玩吓都好！」
他又指，外地生活水平不會太貴，
亦不似香港般壓逼。
「四周圍行吓，
接觸唔同文化，
後生仔都想睇多啲嘢!」

作為平台中介人，我會解釋畀僱主聽，宜家啲生活係咁，佢哋（90後）咁勤力返工，又唔係no show。

3. 排公屋=無大志？

香港寸金尺土，
安樂窩豈能單靠「睇少啲戲、去少啲日本」儲錢！
Eric深諳並非人人能靠父蔭上樓。
為求在香港尋找屬於自己的一片空間，
基層出身的青年選擇申請公屋。
而政府規定申請人必須通過入息審查，
故不少90後以炒散謀生，
並提出現金出糧的請求。

大好晉升機會擺在眼前，
但年輕人卻為公屋而棄前程。
Eric表示，曾有一名25歲青年，
會考3分，18歲時入職快餐店，
其後轉投飲食集團擔任日式餐廳副經理，
兩年間坐正成為經理兼打理兩間餐廳，
月入逾兩萬元。

不過他卻放棄這份工作，轉而報讀毅進課程，邊做以現金出糧的散工，直至公屋到手才重返正職。

初頭覺得後生仔眼裡好有火，但轉頭為咗公屋，甘願放棄25至30歲嘅黃金時間，但冇辦法都係要向現實低頭。

90後變成樓奴，
Eric不禁感到可惜，
畢竟土地問題已根深蒂固。
但他強調：「90後排公屋好有大志！
無法買過千萬嘅樓，就唯有排公屋！」
有樓萬事足？
他估計，年輕一代容易受父母影響，
視上樓是一大目標。
不過，他提醒年輕人，
每個人都有自己的理想，
要緊記自己可以決定自己的人生。

4. 一代不如一代？

Eric從不同行業的僱主口中得知，
他們正嘗試習慣新一代的工作模式。
他直言，90後將會是未來社會的話事人，
僱主僱員應學懂互相包容、體諒。
因此，他表示不應負面標籤90後，
炒散只是有別於傳統賺錢方式。

因家境清貧，Eric以炒散養家，
更曾擔當洗碗工。
他憶述，80後遭逢97年金融風暴、
03年沙士，經濟不景氣，
笑稱有工做已很開心。
不過，當年他曾被批評「同阿姐爭飯食」，
直至弟弟自立，
他把握時間讀夜校進修，
成功擔任6星級酒店的行政總管。

兩年前，他與拍檔成立炒散王App，
公司員工累積至10人，
有一半都是90後。
他委派90後負責社交媒體、IT及圖像設計。
「請90後唔會擔心佢哋太新，
佢哋有嘅係insight（遠見），
醒過我哋」！

佢哋玩social media，又識打機、上網做trading，只係90後呢代人先做到。

5. 撇除90後負面標籤

90後上班模式為人詬病，
但Eric則為他們平反：
「世界上冇最差嘅員工，
只有老闆點樣管理同對待員工！」
他在公司奉行3大原則，
認為讓90後員工在工作能發揮所長，
才能留住人才，
至今公司流失率是零。

互相尊重：上司提供指引，讓員工有空間自由完成工作。
不設打卡時間：「請得員工，就要信任！」Eric堅稱，每名入職的員工，都有責任感。
發揮團隊精神：90後總是埋怨加班、下班仍收到上司指令？Eric特別體諒他們，淡言：「工作永遠都做唔晒，一個人一晚要做10個人嘅嘢？當然要發揮團隊精神幫手啦！」

90後絕對唔係廢青，佢哋係有目標、有理想，只係同上一代有少少唔同！

小知識：

1. 甚麼是炒散？

僱主、工作時間不固定，能彈性安排上班時間。