美女店主談情趣用品店4個怪客故事 「媽咪陪宅男買性愛公仔」
人們對情趣用品店總是充滿想像，入行4年的情趣店Joyful Night店主Cindy，卻毫不留情地撕開這塊神秘面紗，直言「唔係咩新奇有趣嘅事」。不過聽她訴說遇過的客人，確實又是充滿趣味兼娛樂性。
故事一：媽咪同意宅男買性愛娃娃
Cindy的情趣店櫥窗，長期擺放著性感撩人的性愛娃娃。有一次，一個被Cindy形容為肥宅的30多歲男子，去到Cindy的店裡問，如何可以瞞過母親買一個娃娃回家。「我哋又唔係編劇，諗住佢運吉，求其叫佢塞入衣櫃打發佢走，點知佢夜晚真係帶足錢嚟。」
原來肥宅男已請示母親更獲得同意，「佢同阿媽講，『我而家未有能力娶個新袍返嚟，但我有個好鐘意嘅公仔好希望可以買佢返嚟』可能阿媽都知道個仔可能係A0 forever，個仔鐘意就是但啦。」
肥宅男後來更給性愛娃娃一段長正評，「佢話佢曾經受過情傷，就係中學時期做過兵，俾女神呃左萬幾蚊但手仔都掂唔到。但萬幾蚊一隻公仔，佢買左返去就可以為所欲為任佢玩，亦好有戀愛感覺。有時出到街見到比較細粒嘅女仔，佢就會覺得好掛住隻公仔，好想返屋企。其實心情係好簡單即係女仔好鐘意毛公仔，好想攬住嗰種感覺。個宅男話佢有性功能障礙，唔可以真正玩到果個公仔，但只係攬住隻公仔訓教，就已經好開心。其實係心靈上嘅安慰。」
故事二：年輕情侶買十枝驗孕棒…
未用過驗孕棒，是正常不過的事。意外要用到時，上網查一下也不是難事。不過Cindy就遇到一對奇葩男女……「一男一女young couple，廿歲左右入黎買驗孕棒，第二日再買多10枝。我覺得奇怪，你琴日唔係買完？佢話『係呀，好好用！』哦…準？好呀，再買……『我用完即刻驗即刻無喎，我真係好開心好準呀。』」
「一般人都應該知，應該要嚟經時唔嚟就可以用，但就諗唔到佢兩個人唔知，兩個都覺得一做完咪驗囉。有啲野你以為人知，原來人哋唔知，佢又無問以為自己知。」
故事三：夫婦幾年做唔到 原來搞錯位
人們常說香港性風氣愈趨開放，不時有年輕人偷食禁果、暗結珠胎的新聞，不料還有夫婦結婚數年仍未能行房。「有對客人入嚟，話結婚幾年都進行唔到性行為，想買啲嘢幫助下。傾傾吓先發現佢搞錯咗女性陰道同尿道嘅位置，佢話『點解個窿咁細入極都入唔到』，佢以為陰道係屙尿，係唔入得。」
故事四：變態客一個都嫌多
本以為情趣店會吸引不少變態客人，Cindy卻說變態客屬少數，可能因為店裡都有裝閉路電視有關。
不過，一樣米養百樣人，總有那麼一個半個不檢點的客人。「曾經有一個中國藉客，不斷問『是否你用過、你有沒有用過』，同一個問題問十次，其實是想你答，『是哦用過很舒服』，跟住我就話『幹你屁事啊！』，遞貨畀佢又專登掃你隻手，感覺好嘔心。」
一簾之隔後的情趣店 既普通又不猥瑣
外人看來在情趣店工作既新奇又有趣，不過Cindy就認為也只是份工，與賣衫褲鞋襪的無分別。「有啲新嚟嘅店員會問，會同我講『好緊張呀，好有挑戰性』，一星後我問佢點，佢都話無乜特別。」
不少年輕客人既好奇，又欠缺步入情趣店的勇氣，總在門外你推我撞，「佢哋一入嚟就發現，『哦』，望一下就離開，唔係想像中咁似性博物館，唔係咩有趣新奇嘅事，純粹係你需要就嚟買，就咁簡單。」
觀看更多人情味故事：