「所謂何東精神就係團結！」這段神級cheers的洗腦程度媲美「和聲beat」，令網民以為港大的何東宿生，就只是賣力踏腳dem cheers的學生。其實cheers背後的何東女生，既是隊友，也是閨蜜。

點擊「全螢幕」觀看影片：

何東以體育為傲

何東夫人紀念堂（下稱何東）是港大4大傳統宿舍之一，亦是學校唯一的全女宿舍。港大護理學5年級生Yoyo住了何東5年，最初選擇入住何東的原因之一，是因為何東體育了得。

Yoyo加入了宿舍的排球、網球和壘球隊，3年級那年擔任排球隊隊長。「都幾享受嘅，除咗練波都有team function。我哋會去camp，會去食team飯，即係練完波一齊食飯，或者會一齊出街。」

難忘排球隊贏得舍際比賽季軍

雖然何東的體育成績不俗，但Yoyo指排球隊不是很強的隊伍，慶幸大家都願意付出。Yoyo印象最深刻就是去年的季軍戰。「我哋過去6年都未試過入semi-final，上年最後就贏到季軍。」比賽結束一刻，全隊上下都非常激動。「因為我哋都打得好緊湊，要打到deuce。最後所有人衝出場中間，攬埋一舊喊。」

【有片】扮「直」逾10年最怕坦白失去朋友　男同志望能與男朋友拖手逛街

Dem Cheers意義何在？

何東cheers齊整有氣勢，網民歎為觀止之餘，總覺得有半分尷尬。但在何東人眼中，cheers對宿舍球隊而言十分鼓舞。「可能外人覺得只係一首歌，但我哋熟悉當中歌詞，就會好感動到場內嘅隊員。」

由鄰居變4年室友

Sonia是電機工程4年級生，與Yoyo做了連續4年室友，二人互相形容對方為閨蜜、soulmate。Sonia還記得與Yoyo初次見面時「食檸檬」的情況。原來Sonia和Yoyo是同一棟大廈的鄰居，Sonia表示坐升降機時經常都會碰到，因此ocamp第一天就認出Yoyo。「但原來佢完全唔認得我，得我認得佢！」

【有片】女校生才懂的6件事　畢業生：潛移默化覺得不比男生弱

何東女生愛併床

2個女生入hall第一件事就是併床。Yoyo指：「何東有個特色係本來兩張床係分開兩邊嘅，但如果你鍾意，同roommate又熟，就可以part埋一齊。」同層的宿生不時會聚在她們房間，借來投影機在牆上播放電影。Sonia表示：「我哋part床之後有好多朋友會嚟瞓覺。我哋試過最高峰，兩張床有6個人瞓。」

每晚都要一起洗澡

住宿4年，她們有一個堅持，就是每晚要等對方一起洗澡。Yoyo解釋：「好重要㗎！因為一個人沖涼好悶，有人同你一齊傾偈唱歌好開心。」

做她背後的女人

Sonia曾上hall莊，亦做過宿舍乒乓球隊隊長，壓力大的時候，總會收到Yoyo的鼓勵字條。「佢好鍾意寫無名氏字條俾我，但一睇就知係佢……始終日對夜對，最想第一個分享嘅人就係佢，反而有啲嘢冇同媽媽講，佢都知。」

訪問前2天，Yoyo在排球賽落敗，Sonia就站在球場門口迎接她。Yoyo指：「係唔開心嘅，但佢喺旁邊就覺得ok啦，都會有窩心嘅感覺，佢搭著我膊頭陪我行返宿舍。」

【有片】A0也是罪？大學生剖白「單身狗」悲歌

連男朋友都妒忌的友誼

Yoyo見Sonia的時間比見男朋友還多，即使在房內與男朋友傾電話，男朋友都會吃醋鬧脾氣。Yoyo笑說：「佢會話你繼續同佢（Sonia）傾偈啦，我收線先喇。」但問及4年來做過最後悔的事，二人都表示後悔沒有爭取更多相處時間。Sonia後悔二年級時忙著拍拖上莊，少了時間留在房間，而Yoyo就後悔沒有與Sonia一起上莊，形容是「回憶的一個遺憾」。

畢業後各散東西？

二人今年都是final year，還有半年就要分開，Sonia雖然感到不捨，但就不擔心感情會變淡，「相信呢4年嘅得著我哋大家都記得。」而且二人亦約定退宿後，每個星期都要到對方家住一晚。Yoyo認為舍堂生活是大學生涯重要的一環。「返學都有好同學，但都唔係一齊生活，放學就『拜拜』。但每次返嚟係要大嗌『我返嚟喇』，感覺好唔一樣。」

何東小知識：

何東女生會煮糖水又會煲粥？Yoyo指何東傳統是每層每星期都會有「樓糖水」，每次由一間房的宿生負責煮糖水給全層，而煲粥則是指「煲電話粥」。

何東三寶之一：雅蘭床褥傳說只有何東宿生才有厚厚的雅蘭床褥，其他舍堂用的是「雜嘜」薄床褥。據指是因為雅蘭床褥的太子女曾是何東宿生，在她爸爸的贊助下，何東的雅蘭床褥就一直沿用至今。