網民熱數小時候曾有的奇怪想法，原來不只小編會有這些奇怪念頭！快來看看你有沒有這樣困惑過！
【1】吞槍自殺真係食咗支槍 ── 其實成支槍吞落去，都係會死嘅，錯唔曬！（《跳躍生命線》劇照） 【2】電視播嘅全部都係Live ── 而家諗返起，如果真係咁，關禮傑呢一下真係用生命在工作。（《叛徒》劇照） 【3】「穿櫃桶底」係超能力 ── 從未見過一個咁形象化嘅俚語。（《超人特工隊2》劇照） 【4】童軍要去打仗 ── 行軍打仗，童軍嘅作用到底係咩？吶喊助威？（《鄧寇克大行動》劇照） 【5】新聞講某個地方受「熱浪」侵襲 ── 令我以為熱浪薯片好似落雨咁落，都咪話唔爽！（《美食風球》劇照） 【6】提款機可以無限變錢出嚟 ── 打機啲遊戲幣都會用完啦，點解會覺得現實生活嘅錢可以無限衍生？（網上圖片） 【7】一切都係人手控制 ── 網民就話細個以為紅綠燈、自動櫃員機都係有人喺幕後控制，如果同櫃員機員工熟，可唔可以數多幾張畀我？（《功夫》劇照） 【8】以為在床上面錫兩下就會有bb ── 凡係睇TVB大嘅小朋友都會有過嘅概念。（《名媛望族》劇照） 【9】貓係女性，狗係男性 ── 唔少網民都話細個以為貓同狗係同一品種，貓係女性狗係男性，原來「狗公」概念真係根深蒂固。（《貓狗大戰》遊戲畫面） 【10】青蘋果熟咗之後就係紅蘋果 ── 咁青椒有無可能變香蕉？（網上圖片） 【11】出生之謎 ── 呢個就有好多說法，石頭爆出嚟僅排第二，原來最多網民細個以為自己係喺肛門出世，咁咪同便便一齊住咗十個月？（《西遊記》劇照） 【12】讀好書就會有女朋友 ── 呢個悲傷嘅事實，小編就不多說了。（網上圖片）