第一輪聯招申請今日截止，你有冇對當年嘅選擇後悔？以下8個科目都有唔少網民覺得中哂伏，難讀又難搵工。戴返頭盔先，以下所講嘅「伏」，主要以搵工或錢途作為前題。你又認唔認同？
【1. 傳理】 呢科出路其實都算廣，可以做廣告、公關、記者，個名聽上去係幾好聽嘅，不過一grad得個11-12k。起薪點低，又做到成隻狗咁，幾多人捱到廿尾都冇20k呀！當初呢班公開試考得唔差嘅學生，都知人中之龍冇自己份，但一定冇諗過會變咗做社會底層。（《Pinocchio》劇照） 【2. 藥劑】 藥劑師話哂都係專業人士，人工高點會伏呀？梳，搵到工咪唔伏囉。本身就業市場就唔多職位，又要同外國回流嘅學生爭，供過於求。工會仲估計到2020年，每8名藥劑師就有1個會失業。（《Doctors》劇照） 【3. 經濟】 讀嘅嘢離地、唔實用，本身已經難搵工，department又冇乜career support。畢業要同BBA競爭，但係BBA學生4年間整到個CV靚一靚，結果最後就出嚟做保險。（《奶酪陷阱》劇照） 【4. 木土工程 Civil Engineering】早幾年人人狗衝civil，但近年已經冇乜project做，一大堆fresh grad面臨失業。「若要生活好，不要讀civil。」civil人成日將呢句掛係嘴邊，真係隔個芒都feel到佢哋有幾sad。（《請回答1988》劇照） 【5.Pure Science】 學網民話齋，以為畢業後有前途，結果畢業之後發覺原來搵唔到工嘅科就係伏。呢科未入去讀都知搵唔到工，何來伏？（《嫌疑犯X的獻身》劇照） 【6. 人文學科（文、史、哲）】 基本上讀得人文學科，實畀人問「第時係咪諗住做研究？」其實揀得呢科都真係為興趣，但唔少人讀落先發覺，現實嘅殘酷係超乎想像。讀咗四年都唔知自己嘅定位係咩，好聽啲講就係咩工都做得，唔好聽就係咩範疇都唔專。（《鬼吹燈》劇照） 【7. IT】 科技嘅嘢日新月異，學校教嘅嘢永遠都唔夠用，如果冇決心不停裝備自己，永遠都只係低薪一族。而且香港唔少大公司一裁員第一個開刀嘅部門就係IT部，喺香港做IT狗慘過食X！（《逃避雖可恥但有用》截圖） 【8. BBA】 外行人以為BBA好好景，其實呢科真係有苦自己知。勁人緊係入大企業做MT，不過香港地年年都出咁多個BBA fresh grad，逗得個十幾K嘅人始終都係佔大多數，期望愈大，失望愈大呀。（《未生》劇照）