無論係《哥斯拉》、《超人》、《幪面超人》，抑或係《超級戰隊》系列，呢啲陪住我哋大嘅特攝片，就算冇睇過都肯定有聽過。但你又知唔知道，其實香港都有屬於自己嘅特攝電影？平日留意開Cult片嘅讀者，可能會聽過梁仲文呢個名。過往作品包括《關公大戰外星人》、《香港大師》。深受特攝片同ACG文化影響嘅梁仲文，係香港極少數以特攝片種為目標嘅導演。作為本地電影產業嘅一個異數，佢會唔會感到孤獨？條路咁窄，其實又想達到點樣嘅成就？