【二汶x戴偉x b.wing】二汶親自解構戲院禮儀歌:而家個個識背

最後更新日期:

如果講到近年香港洗腦神曲,相信由林二汶演唱的百老匯院線電影片頭「電影院禮儀歌」敢認第二,都沒有別首敢認第一。「唔該熄咗你個電話啦!」唱到街知巷聞,沒有電視、電台日播夜播,只在百老匯院線戲院開始前播出,但它比近年任何一首歌都來得更出名、更入耳。到底這首歌的由來是甚麼?不如就由原唱二汶、作曲作詞的戴偉,以及A仔聯盟的創作者b.wing講給大家聽!

三人合作多時,早已「老友鬼鬼」!(梁碧玲攝)

最憎睇戲有人講嘢 二汶、b.wing會當面責備

這首「電影院禮儀歌」以輕鬆活潑的音樂與歌詞述說一些很硬性的戲院規矩,到底三位創作者是否都在戲院遇過很慘痛的經歷,忍無可忍才有這首歌的面世呢?二汶就有感而發:「如果我喺戲院聽到人不斷講嘢,我會好想發嬲打人,但我又唔可以!」相信這種情況對很多電影愛好者來說都身同感受,身邊太多嘈吵雜音,真的令人難以投入戲中!「我試過按捺不住,走過去同佢講你可唔可以唔好講嘢!」原來二汶都有勇武的一面呢!b.wing聽到後亦有感而發:「我都試過行過去,同佢講:『先生,靜啲啦。』佢個樣就即刻勁驚。」有些人真的是「唔鬧唔鬆化」,不過就睇你有沒有二汶與b.wing的膽量啦!

就係呢隻彈結他嘅A仔,令b.wing有創作歌的念頭!(相片由b.wing提供)

口語入詞勁順口又貼地 填詞戴偉功不可沒

而基於這些在戲院的憤怒經驗,就漸漸促成了這首「電影院禮儀歌」的合作。A仔媽媽b.wing就話:「由細到大都有個願望,都希望自己可以改變啲嘢。到我有一日畫咗隻彈結他嘅A仔,我就諗其實點解唔可以用唱歌呢?用唱歌一定更深入民心!咁就搵咗戴偉幫手啦!」那麼戴偉又如何去創作呢?有沒有把二汶、b.wing的這些憤怒都加進去歌中呢?「其實就冇,不過這首歌難的地方,是要把規則都放進去。其實當時我好想有首歌係可以用口語填詞﹐這首就成為試驗品。不過造就了必須詞曲都由我寫嘅情況,口語好難交由第二個寫。因此創作時,詞曲需要同步寫。」戴偉最後就寫下這首膾炙人口的「電影院禮儀歌」,b.wing亦盛讚戴偉的創作真的是超一流,更形容是「magic moment」!

「我第一次聽呢首歌喺條街上面,我對眼係即刻紅哂。大部分嘅創作都係需要時間去磨合,但這首「電影院禮儀歌」的合作我幾乎可以話係奇蹟!一次就可以做到我腦海中想要嘅嘢,對我嘅創作生涯而言,係一個magic moment!」在創作上要找到一個能完美湊合的人真的很難(想想讀書做project時,組員間有幾火星撞地球就知!)

b.wing難忘與戴偉及二汶的合作,形容成品是「奇蹟」。(梁碧玲攝)

二汶覺得歌曲至少成功讓大家都能背下戲院規則。(梁碧玲攝)

歌詞潛移默化 寄望下一代可以做得更好

不過理想歸理想,詞曲都是大家想要的,傳唱度也夠高了,但成效又是否能夠盡如人意呢?似乎未必。很多聽眾都表示有些人聽完後,仍在電影播放時高談闊論、仍然大玩電話,那麼三位會否很失望呢?「你幾時有背過戲院規條?但而家個個都識背!」看來二汶仍然保持樂觀的態度。b.wing就話:「小朋友對於首歌嘅內容好根深蒂固,等呢班小朋友長大後,我相信以以漸漸改變個環境,呢一刻未必睇到好大分別,但假以時日會有改變。」沒錯,成年人的習慣我們未必可以輕易改變,但其實小朋友從小識背這首歌,對未來一代的規矩學習必然會影響。有時有啲嘢,唔可以剩係睇當下效益嘅!

連Wyman都抵受唔住「電影院禮儀」的威力!

Wyman:開場15分鐘後個腦仲播緊首歌

談到這首歌的洗腦程度,三人都不期然笑了起來。戴偉笑言:「我個仔聽一次就識跟住唱,不過佢應該唔識解,因為佢就係會睇電影好嘈嘅小朋友。」二汶又話:「我收到一個市民嘅意見,係阿Y(即Wyman黃偉文)。佢話覺得好好聽,但唔洗咁認真製作。事關佢喺電影開場15分鐘後,個腦仍然播緊首歌。」能夠令詞壇界神級人物Wyman聽一次就上腦,幾位應該要感到驕傲!

 

戴偉的電影主題曲唱到全城皆知,他勸喻老細們要相信專業人士的創作。(梁碧玲攝)

經常聽到從事創作的人說,很多有創意的點子往往因為高層或客戶的意見,成品變「爛作」。三人借此亦想寄語各位「老細」,這首歌曲之所以能夠成功,皆因老細能相信他們的專業與創作能力,對方100%相信自己,才能有一個好的作品。b.wing話:「對方比絕對嘅自由我,我哋一定會比最好嘅成品佢。」戴偉都非常有同感:「其實有時老細覺得啱嘅意見,可能會破壞整件事。」所謂知人善任、用人不疑就是這樣!「你唔係嗰行嘅專業,突然空降畀所謂嘅意見,真係會令人無奈。」b.wing續說。各位「腦細」,下次找創作人工作時,知道應該要如何對待吧!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。