疑不滿版主只睇0.7套賀歲片就狂踩 張繼聰:最後一次睇你嘅page
撰文:吳順芯
出版:更新:
2025蛇年賀歲檔電影票房大幅下跌,總票房比去年跌37.1%。票房三甲《臨時決鬥》、《祥賭必贏》及內地電影《封神第二部:戰火西岐》的票房總和,都不及去年一部的成績,令人慨歎觀眾還愛看賀歲片嗎?而昨日(4日)專門分享電影評論的平台「港唔斷戲」的版主,在Facebook撰文踩2025年的香港賀歲片,惹來張繼聰不滿。
「港唔斷戲」的版主在Facebook出Post,表示:「今年嘅香港賀歲片,票房差係合理...... 我自己只係睇咗三套入面嘅0.7套,純粹諗住應下節,但最後都要睇到我中途離場,真係差同尷尬到睇唔曬......新年流流都要人發火,唔尊重觀眾,觀眾最後都係會離棄你。要搞返好香港電影,就係愈爛嘅牌,就要愈用心打,打爭氣波,但而家好似就係背道而馳,賀歲檔唔再係/唔應該係粗製濫造用嚟吸錢嘅工具,有麝自然香,拍得好就死都幫你推返生,要相信新時代觀眾嘅慧眼,差嘅就擺乜檔期都係曇花一現,搵咩人宣傳,都係死路一條。2025年對香港電影同戲院,都應該係艱難嘅一年,共勉。」
不過該言論就引起極大迴響,2025年賀歲片之一《祥賭必贏》的主演張繼聰都忍不住留言:「今次係我最後一次睇你嘅page 👋🏻」。有網民就認為版主只看了0.7套賀歲片,怎能夠做出評論,亦有不少網民指很喜歡張繼聰演戲,但問題在於不同因素,加上觀眾「揀戲睇」的情況真的很普遍,著阿聰不要介懷。另外,有網民就表示評論有好有壞,更表示香港電影並不是盲撐。