「真心話大冒險」相信大家都玩過，無論係用黎試膽定係識女仔都好使好用，但若果遊戲失敗既懲罰係死亡，你又揀唔揀得落手？最近有套新戲就用呢個遊戲做主題，佢就係《死神遊戲：TRUTH OR DARE》。

《死神遊戲：TRUTH OR DARE》嘅導演Jeff Wadlow曾經執導《勁揪俠2》，由Jason Blum監製，加上《奪命狂呼4》《美麗的謊鄰》Lucy Hale同《少狼》泰勒波西Tyler Posey主演。可以話係電影製作公司 BLUMHOUSE繼《思．裂》、《訪．嚇》、《死亡無限LOOP》後又一創意驚嚇傑作。

電影講述一班人喺墨西哥度緊假，突然被一個神秘男人邀請玩「Truth or Dare」，點知假期過後，大家以為一切回復正常之際，原來遊戲仲未玩完，「遊戲」要佢地不停講真心話同大冒險，一步步挑戰大家嘅友情底線，揭露各人內心深處嘅黑暗面，甚至要佢地出賣人命黎換取自已生存！

佢地一方面要完成「遊戲」指示，另一方面又要同「遊戲」鬥智鬥勇，尋找漏洞逃生！例如特登唔揀令遊戲唔可以進行落去，或者係只揀講真話去代替以身犯險。但當佢地發覺原來「遊戲」有自己既意識，更加可以隨意更改規則之後，呢套恐怖片就正式成為無解既恐怖序曲，誓要為大家喺夏日帶黎透心涼既體驗。