興建真‧侏羅紀公園要幾錢？ 天文造價連計數機都唔夠位
撰文：陳穎思
出版：更新：
25年前面世的電影《侏羅紀公園》（Jurassic Park），以無限幻想及創意，打造出一個疑幻似真的恐龍世界，讓觀眾嘖嘖稱奇，至今依然是大銀幕上一大經典。
雖然恐龍絕種是鐵一般的事實，但假若這群史前生物亦在人間，興建一個真‧侏羅紀公園又花費多少？
雖然只係幻想，但現實中真係有侏羅紀公園的話，小編一定會買年證去探恐龍～
有外國媒體根據《侏羅紀公園》及《侏羅紀世界》電影的設定，去估計興建一個真‧侏羅紀公園的成本。其中買地便要花上68億美元（約530億港元），電影中侏羅記公園座落於哥斯達黎加Isla Sorna及Isla Nublar兩個島嶼上，前者用作飼養恐龍，後者是公園的地址。
兩個島嶼總範圍高達4萬2000畝，足足有900個維園咁大，難怪地價高到嚇人。而各種設施的建設費亦是天文數字，參考上海迪士尼的造價，估計要55億美元（約429億港元）。
如果侏羅紀起得成，一定要有呢個表演！
買完地就要請人，要維持一個侏羅紀公園的運作，需要電腦工程師、基因專家、律師、古生物學家及照顧動物的團隊，跟據美國現時的薪酬標準，一年人工約800萬美元（約6240萬港元）。當有人手，就可以複製出各種恐龍，不過使用基因改造來培肓這種特殊動物必然價值不菲，以50隻不同品種的恐龍來說，要花上2.1億港元。
呢個遊樂設施可以改名做「速龍激流之旅」。
再加上動物護理及基本營運開支，參考過其他動物員及主題公園的數字，每年需支出65億港元。屈指一算，由買地到正式營業1年，總花費約1026億港元。香港起一條高鐵都要花上844億，其實用1000億起一個侏羅紀公園都唔過份。