【小Q】梁詠琪15年前為日版配音 15年後參演香港版：好有緣！
撰文：趙允琳
出版：更新：
改編自日本作家石黑謙吾的小說《再見了，可魯》的香港電影《小Q》今日（16日）舉行開鏡拜神儀式，一向熱愛小動物的梁詠琪（Gigi）在戲中能夠與一眾狗狗拍攝，她笑言好像每天也去了動物園一樣：「鍾意狗係幫助到拍呢套戲，因為有好多場戲都係要同狗一齊合作，但係有時佢哋又唔聽你支笛，所以做演員係需要好多嘅耐性，好似有啲take要重複好多次，狗就舒服啦有替身唔想佢哋太辛苦，但係人就無替身㗎嘛，所以拍呢套係人係辛苦過狗嘅！」
Gigi說由於拍攝這部電影需要與很多狗隻對戲，所以每次拍攝後回家都會被家中的狗狗「搜身」，由頭到腳趾尾都被搜得徹徹底底，讓她哭笑不得。（黃國立攝）
Gigi笑指其實自己與《導盲犬小Q》相當有緣，皆因原來15年前日本版《導盲犬小Q》在香港上映時，Gigi正正就是為這部電影配音：「我做晒成個旁述，估唔到咁多年之後翻拍香港嘅版本我又有份參演！但我覺得我喺香港版本嘅使命又唔同，因為香港視障人士有好多，而且佢哋亦都好需要導盲犬，只不過香港暫時未做到一個完全將導盲犬共融嘅社會。希望電影出嚟之後大眾可以更加接受導盲犬，可以認同導盲犬係視障人士嘅身體一部分。」
身為動物愛護人士的Gigi表示，明白並不是人人都會喜歡動物，有時在社交網站看到一些關於拋棄或虐待動物的片段時她都會感到很傷心。（黃國立攝）