金像獎｜楊受成博士亂入邀林家謙加盟英皇　「我唔簽你正龜蛋」

林家謙憑電影《破‧地獄》主題曲《普渡眾生》，在「第43屆香港電影金像獎」獲頒「最佳原創電影歌曲」，在慶功宴上，家謙表示最想吃東西，沒有想下一個目標，笑言自己是見步行步的人，談到在台上的感言比樂壇頒獎禮更認真，他即說：「Chill Club頒獎禮都好謙虛，唔係我勁而係大家投，而某人講嘅嘢都不要理會。（你呢個獎都係評審投）係喎，下年！如果我有機會講！」

林家謙表示籌備電影十分漫長，但自己去年6、7月受到邀請唱主題曲，9月起錄起成品，快得有點招架不住，再來已經是金像獎。提到楊老闆向來會送大禮作獎賞，家謙即指住西裝鈕，結果楊老闆突發亂入訪問，並表示：「佢諗緊簽英皇。」家謙大驚，表示自己是蝕本貨，又叫楊老闆考慮清楚，結果換來楊老闆︰「咁多傳媒喺度，我唔簽你正龜蛋。你唔簽我又點？」嚇得家謙超緊張。楊老闆之後又話可以開3部戲給家謙，但要簽他的歌手約，又不擔心家謙不會做戲。「我都可以有少少錢蝕嘅。」