電影《觸電》上映一星期，雖票房未如理想，至今仍未破100萬，但口碑就相當不俗，有網民認為題材講電競夠新鮮，合年輕人口味，亦有大讚電腦特技與動作場面配合出色。不過數最吸Like的，一定是在電影中，飾演柯煒林遊戲世界化身「Solo」的陳毅燊（ANSONBEAN）。動作場面全程親身上陣，而且相當流暢，令人眼前一亮，更因為他的落力演出未被人看見而替他不值。

ANSONBEAN在戲中以黃色戰衣亮相，非常搶眼，而電影開場不久，就有一場精彩打戲，講述ANSONBEAN在工廠大廈殺敵。有Game迷表示動作帶有濃厚的「Gun Fu」元素，將射擊與近身格鬥完美結合：例如天台上，他拔槍後隨即翻滾，利用物件作掩護，同時保持槍口鎖定敵人，全程乾淨俐落，毫無多餘動作，很有打機的爽感！

另一方面，他的 Parkour 動作技巧亦見真章，乾淨俐落，靈活運用牆壁、欄杆與樓梯完成高難度跳躍與翻身，不單展現敏捷度，更具觀賞性。此外，他與羅浩銘在電梯內聯手迎戰敵方女僕一幕，以及於污水處理廠，跟洪金寶兒子洪天照對決一場，都好有睇頭。不少網民都對ANSONBEAN的身手感到另眼相看，大讚有潛力做新一代動作影星。

ANSONBEAN接受《香港01》訪問時坦言難忘拍攝場面：「第一場對我嚟講最有挑戰性，好多parkour動作，好多攀爬，好多一take過鏡頭，我要背好成套動作先可以完成到。劇組都擔心我受傷，幫我攝好多pad，但調返轉攝得太多會太重，我會爬唔到，所以要同武指、Camman喺靈活性同安全性之間攞個平衡。」又指戲服太重做不到太多空翻動作，希望未來能夠呈現給觀眾：「今次特別嘅一樣嘢係，除咗開場第一人稱鏡頭，基本上成套戲我係冇用過替身，好多謝銘師傅信任我，畀我完成套戲嘅動作。」

有什麼拍攝前準備？ANSONBEAN說：「當時我拍緊ViuTV劇集《老是常出現》，我飾演一個老人院院長，因為知道我拍完劇集就會拍呢套戲，所以我都帶咗支槍返片場，張雷都係動作演員，佢都有教我動作，所以我都好違和咁喺老人院入面拎住槍碌嚟碌去。（之後向動作演員方向發展？）非常有興趣，但我同時又覺得做演員要有全方位訓練，我希望我可以唱歌、跳舞、Rap同演戲都做得好。」他又表示自己視李小龍、甄子丹為榜樣，希望像他們一樣打入國際。

《香港01》亦有向電影《觸電》的原創故事及動作指導羅浩銘問及，他都大讚ANSONBEAN勤力，好開心大家見到佢嘅努力被看見。「開拍前佢專誠跟我加操，佢好勤力，當練完戲中要用的動作後，仲問我可唔可以練多啲，我同佢講唔好心急，做好呢套動作先，而佢戲中所有動作場面都係親身上陣。」