電影《毒舌大狀》拍攝工作接近尾場，法庭戲份亦於近日煞科。其中有份演出的楊偲泳（Renci），其粉絲就趁偶像最後一日開工，送應援物到現場萬歲，當中有飲有食，場面熱鬧。奈何連日腸胃炎的Dee Gor（何啟華），就有得睇有得聞，冇得食。

《毒舌大狀》自開拍以來，差不多日日都有人萬歲，除了演員本人，粉絲應援的飲食都好強勁。不過Dee Gor因為腸胃炎就冇口福，雖然手執一個蘋果批，但就只可聞冇得食，甚至連子華神經過，都喝止住叫佢忍口︰唔好咁啦你！