廖子妤奪金像女配後忙到冇得瞓 未同家人傾到計：對唔住屋企人
撰文：陳穎思
出版：更新：
廖子妤（Fish）日前憑電影《梅艷芳》奪得《第40屆香港電影金像獎》最佳女配角，Fish今日（21日）岀席新片《槍口下_823人質事件》開鏡活動時表示，奪獎後要開工，忙到冇時間瞓覺：「未正式同屋企人傾到計，冇詳盡咁傾，因為完咗金像獎之後，一路忙到而家，連瞓覺都冇乜時間，都幾對唔住屋企人。」
Fish表示得獎後忙住開工，連瞓覺都冇時間。（葉志明攝）
對於《梅艷芳》未能贏得最佳電影，Fish表示看得開：「每套電影都有自己嘅命，我哋作為演員，作為電影工作者，做好一部電影，盡力做完之後，佢嘅命就由佢自己㗎啦，任何結果都係一個好嘅結果。」
戲中Fish飾演人質事件槍手的親戚，也是一名記者，她透露有大量英文對白：「我英文唔算特別好，口音上都想接近返東南亞口音。」Fish表示有看過人質事件的紀錄片，亦有留意新聞，而因為接拍這部電影得知更詳細的情況。
戲中Fish飾演槍手的親戚，也是一名記者，電影會放馬來西亞進行外景拍攝。