神探大戰｜怪物演員郭漢柱靠激瘦獲半百片約：有啲人心地未必好好
撰文：陳穎思
出版：更新：
電影《神探大戰》近日上映，戲中有一個怪物角色由「怪物專業戶」演員郭漢柱飾演，聽個名大家未必記得係邊位，但見到樣就一定認得出，事關其瘦削身型已經成為標記，憑著獨特外型，入行十多年演過逾50部影視作品。
郭漢柱在《神探大戰》中飾演劉青雲心中的怪物。（預告截圖）
不過亦因為外貌而限制了戲路，演過的角色幾乎跟猥褻、恐怖或怪異有關，他曾受訪表示：「啲人因為我個樣好笑，或者因為我瘦而搵我拍戲，我覺得冇問題，有啲人心地或者出發點未必好好，覺得我好似病人、就死，好似吸毒，所以先搵我做呢啲角色」。
現年36歲的郭漢柱，2009年大專畢業後投身演員事業，長期只得80磅、24吋腰的他，第一次拍戲便是三級片《蜜桃成熟時33D》，他曾受訪憶述劇本得一句說要拍情慾場面，結果去到片場「要做好多動作」，比想像中還要色情，而且還要裸露。
郭漢柱由初中開始身型日漸瘦削，但其實身體機能正常。（IG圖片）
類似角色在之後的《微交少女》及《踏血尋梅》又再重複，身形限制了演出機會，但由細瘦到大的郭漢柱，深知改變不到身形，就只好嘗試改變心態︰「一個人的內在想法，往往比外在更重要，更要去變成另一個人，你會不自覺地失去某些東西。」
重溫郭漢柱在《踏血尋梅》演出
+4