忽然心動︱AK江熚生遇吳千語、陳欣妍變怕醜仔 少接觸異性硬晒軚
撰文:莫匡堯
出版:更新:
AK江𤒹生與吳千語在麥浩邦執導的青春愛情電影《忽然心動》中首度合作並飾演KOL情侶,取材貼地,首度跳入大銀幕的AK今次除了與千語奉旨談情外,更會和陳欣妍(Shirley)上演一段「床上戲」,戲中AK與Shirley打算做戲整蠱千語,怎料玩過火真激怒對方,令千語即場發火!
這場戲只見Shirley扯起AK上衣時AK即表現怕醜、動作生硬,雙手更像機械人:「我未試過同女性好close咁拍攝,但以我呢個狀態嚟講大家應該會覺得幾新鮮,因為未見過一個咁怕羞嘅AK!」
當日的床戲cut機後導演和劇組也忍不住爆笑,導演更再三提醒AK放鬆一點,AK透露自己是首次和Shirley見面,說:「佢真係好靚,好似一個女神喺我面前,佢好好,因為佢知道我緊張同見到我好尷尬,之後佢俾我好多信心話唔緊要,呢場戲好快就過,我哋太近時我對眼唔知要望邊,就望到好低。」
除了床戲外,AK與千語拍攝宣傳照時一樣表現怕醜,擺不到甜蜜表情,千語笑說:「AK可能怕掂到我或者令我有任何唔舒服,佢好溫柔,但我知佢有啲緊張,所以我就主動少少,因為我哋始終係情侶要有啲sweet感覺,跟住我哋傾完偈後佢就放鬆少少。」