《元素大都會》張敬軒配嘔聲被考起 Serrini「擔擔抬抬」好辛苦
撰文：許育民
出版：更新：
彼思動畫《元素大都會》於本周六（24/6）優先上映，而為粵語版配音的張敬軒及Serrini今日（21/6）出席宣傳活動，跟粉絲見面，大家更成為全球首批睇到粵語配音版的觀眾。
張敬軒與Serrini現場抽出觀眾玩遊戲，要配番兩位戲中的對白。（陳順禎 攝）
談到配音趣事，Serrini說戲中角色苗小焰成日擔擔抬抬，又要起水壩，「所以經常要用粗壯的聲線，不斷都要『嘿！』『唏！』，不過都不用刻意訓練，因為平時在家中紮馬都係呢種聲。」
今日是全球首批觀眾看到《元素大都會》的廣東話配音版。（陳順禎 攝）
至於軒公由於角色比較感性，所以一時三刻都經常喊︰「佢唔係啜泣咁喊，係放聲大哭哇哇聲，而配音期間都真係有喊到，不過唔係角色喊的場面，而係被戲中的情節打動到真係眼濕濕。」
兩位今次是分開配音，張敬軒︰「我懷疑配音導演本來想我哋一齊配，但考慮到唔想要配到第二集上畫我哋都未配起，所以都係分開安全啲。」（陳順禎 攝）
在製作特輯中，軒公有提到今次要扮煲水聲，原來是因為被Serrini戲中的爸爸整蠱。張敬軒︰「佢在戲中逼我食炭，我覺得自己勁過當年吳剛師父，不過更難是要配好多嘔聲，要嘔泡，嘔氣泡、嘔水，有試過真係飲啖水嘔出來，但原來唔會似的，都要認真地扮出來。」
張敬軒愛心爆棚，不斷揀選小朋友出來玩遊戲。（陳順禎 攝）
其中一位小朋友就非常緊張，要求返埋位坐，場面搞笑。（陳順禎 攝）