臨時劫案｜王頌恩符家浚落力謝票 姜卓文被親友追問冇與爸爸同框
撰文：許育民
出版：更新：
賀歲電影《臨時劫案》今日（17/2）進行謝票，導演麥啟光，聯同男主角林家棟、演員姜卓文、符家浚及王頌恩（Kathy仔）出席。三位新人接受傳媒訪問，其中姜卓文與Kathy仔更是第一參與電影拍攝，所以努力向親戚朋友推介，手頭上的換票證仲派到缺貨，叫親友自己買飛支持。
《臨時劫案》團隊（左起）林家棟、導演麥啟光、演巽王頌恩（Kathy仔）、姜卓文及符家浚。（葉志明 攝）
作為新人，三位都好緊張自己表現，都會問身邊親友觀後感。Kathy仔︰「大部分朋友都話套戲節奏緊湊，冇一下鬆懈，好精彩。」符家浚在戲中負責搞笑，所以見到親友第一句都會問︰「有冇笑？有笑我就達成目標。」符家浚更會晚晚上網看留言，看看觀眾如何評價自己的表現。
三位新人都好享受謝票過程，不介意為宣傳加碼謝票，Kathy仔今日更帶病上陣。（葉志明 攝）
至於姜卓文，最多親友關心係點解戲中冇得同爸爸姜大衛同場做對手戲，有冇覺得好可惜？姜卓文︰「我當然想同場，但兩父子能夠在同一部戲出現，已經是好神奇的事，我都好珍惜呢個演出機會。」而姜卓文都樂意去謝票做宣傳，「有時在開場前，大家都會唔知我哋係邊個，表現較平靜。但映後謝票大家會熱情好多，講得出我哋嘅對白，又會問我同家棟哥合作緊唔緊張，聽到佢哋咁留心睇套戲，我都好開心。」
林家棟對幾位新人的演出都好欣賞，好畀心機演。（葉志明 攝）