跟住GOT7遊香港! 《You Are》MV取景地遠到去西貢四疊潭

撰文:
最後更新日期:

Jackson返嚟老家香港拍攝,係特別有feel嘅!(網上截圖)

有謙同榮宰去到中環街頭拍攝,有粉絲話入鏡嘅伯伯係「前世救咗世界」,先會有同框嘅福利,不過伯伯就似乎唔多在意喇。(網上截圖)

想跟住韓星朝聖嘅粉絲,今次唔使去咁遠喇!因為GOT7最近嚟咗香港,為第7張迷你專輯《7 for 7》主打歌《You Are》拍MV,昨晚GOT7公開了兩段預告,當中就見到GOT7走篇港九新界拍攝,唔單止有經典嘅海旁夜景、霓虹燈街景,連行山客熱愛嘅石澗美景都拍埋,成件事真係好香港!以下呢五個GOT7 MV拍攝地,身為香港人嘅大家又去過未呢?

(觀看更多)

【GOT7香港見面會】挑戰陳奕迅《浮誇》 Jackson自嘲得1米74

      1. 樂華南邨停車場天台      

樂華南邨停車場天台嘅圈中圈牆,係大家影「呃like相」嘅好地方!(網上截圖)

昨晚公開嘅預告入面,開場就見到一列綠色的水泥牆建築,圈中有圈超有空間感!其實呢度係牛頭角樂華南邨停車場天台,唔少攝影愛好者都好鍾意去取景,不過如果大家去到睇實境的話,牆身顏色並不像GOT7 MV入面的薄荷綠,而是淡淡的藍色。

       2. 勵德邨圓形大廈       

這一幕有謙是在勵德邨圓形大廈拍攝的。(網上截圖)

呢個場景大家應該見過!《You Are》預告片段中有謙拎住頸鍊碎片,站在圓筒形建築物向上望,有啲迷幻又有啲壓迫嘅感覺,呢度就係灣仔大坑嘅勵德邨,圓柱體大廈嘅建築喺香港好少見,勵德邨亦係香港唯一圓筒形廉租屋大廈,好多廣告、劇集都喺度取過景,連電影《攻殼機動隊》都去過拍攝!

呢幾楝圓形公屋,係唔少電影、劇集以至廣告嘅拍攝地。(Google Map截圖)

       3. 尖沙咀文化中心       

尖沙咀文化中心其實都好靚,只不過平日冇乜可能影到冇人嘅景。(網上截圖)

BamBam呢一幕唔使多講,尖沙咀文化中心大家一定認得,當日GOT 7去呢度拍攝嘅時候,就已經有一班粉絲成功「捕獲」偶像,成員們又去到尖沙咀海旁取景,MV預告入面就有唔少維港夜景嘅鏡頭!

嚟尖沙咀拍攝一定唔少得嘅維港夜景,GOT7都有喺度取景!(網上截圖)

        4. 西貢四疊潭        

MV拍得四疊潭景色嘅好靚,但普通市民喺冇安全措施下跳水,就有啲危險喇!(網上截圖)

《You Are》預告入面仲有呢一幕嘅跳潭片段,雖然片段入面睇唔清楚,但從紅色髮色估計可能係Mark,係真身又好替身又好啦,從十米高嘅懸崖跳潭望落真係有啲牙煙!而呢度就係西貢四疊潭,平時都有唔少市民嚟到消暑,不過其實近年以來四疊潭發生過唔少跳水意外,都有人因為跳潭而遇溺身亡,潭邊其實仲立有「請勿戲水」嘅告示牌,如果粉絲想去朝聖,記住淨係欣賞靚景就好,唔好冒險跳水呀!

四疊潭平日都吸引唔少市民去遊玩消暑。(Google Map截圖)

      5. 佐敦白加士街       

我哋幾乎日日都走過差唔多樣嘅香港街道,不過係Mark同BamBam行得特別有型啫!(網上截圖)

香港嘅霓虹燈一向都係遊客影相嘅checkpoint,Mark同BamBam喺《You Are》MV中就好有型咁肩並肩走過佐敦白加士街,望到兩旁嘅店舖名,大家係咪都好有親切感呢!

佐敦白加士街實景。(Google Map截圖)

更多《You Are》MV圖片:

+14
+13
+12

(觀看更多)

【韓講堂】跟少女時代、TWICE、GOT7一起吃飯吧 記者韓國親身試

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。