EXO燦烈CNBLUE宗泫Zico友情認證! 結伴遊日本玩跳舞機

撰文:
最後更新日期:

宗泫(左起)、Zico、崔泰俊、燦烈同申康宇企埋一齊,呢個畫面會唔會太美好?(網上圖片)

跨越團體嘅友誼!EXO、CNBLUE、Block B都係韓流最top嘅組合,但唔講唔知,原來EXO成員燦烈、CNBLUE成員宗泫同Block B成員Zico私底下好老友,最近佢哋相約一同去日本旅行,同遊嘅仲有演員崔泰俊同申康宇,崔泰俊同燦烈合作過電視劇《Missing9》,而申康宇就拍過Zico歌曲《傲慢與偏見》嘅MV。

(觀看更多)

【Missing9】鄭敬淏崔泰俊飯聚EXO燦烈未見影 今晚大結局揭真相

Zico向宗泫「索吻」,而燦烈就做出吶喊表情,好可愛呀!(網上圖片)

今日燦烈、宗泫同崔泰俊齊齊喺個人IG上載遊日照,五位帥氣男孩都戴住鴨嘴帽,排排企影相,畫面實在係太養眼喇!宗泫仲留言話:「太開心啦孩子們!十年內再聚過!世界上最忙嘅弟弟們。」而另一張相片中,Zico更嘟嘴向宗泫「索吻」,睇嚟感情真係好好!宗泫又上載咗玩跳舞機嘅片段,呢位樂隊吉他手似乎對自己嘅舞技好有信心,留言話:「太可愛喇點算好?如果做咗跳唱歌手就不得了喇!」唔知身為男團成員嘅燦烈同Zico又點睇呢?

(觀看更多)

宗泫@CNBLUE香港倒數迎春節 江若琳學唱《Love Light》送驚喜

當宗泫變成跳唱歌手……(網上截圖)

이종현(@cnbluegt)分享的貼文 張貼

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。