【Wanna One Go洋蔥篇】李大輝突然爆喊 原來細細個爸爸已經過身
Wanna One Go第二季喺上星期五首播，令一眾等咗好耐嘅Wannable（Wanna One粉絲名稱）都好興奮，唔單止死守直播，仲喺直播完咗之後即刻再重睇一次Wanna One Go添！睇嚟一眾Wannable真係忍咗好耐啊！今集Wanna One Go終於都公開咗節目組帶Wanna One去一間秘密房間，原來就係ZERO BASE！入面仲放置咗好多唔同嘅遊戲，成班大男孩一入到去就緊係相當興奮，仲即刻試玩！節目組亦都好貼心分別設立咗11間主題房間，每一間都係為咗各成員而度身訂造，提供個人空間俾Wanna One。但係姜丹尼爾就喺自己嘅房間發現咗啲「特別嘢」，仲召集晒其他Wanna One嘅成員去佢房到，但想知發生咩事，就要等今個星期五揭曉喇！
不過今集最令人揪心的一定是Wanna One遇上Little Wanna One嗰時，其中一名Little Wanna One李周元（音譯）就摹倣電影《Wonderful Radio》一幕，講到再唔能夠同爸爸見面所以寫信俾爸爸喺電台讀出嚟嘅場面，台詞講到嘅「爸爸你睇到我嗎？」再加上李周元抬頭向上望嘅演技，已經令李大輝開始眼泛淚光，朴佑鎮睇到年紀輕輕嘅李周元有感人嘅演技同大輝嘅反應都擘大咗個口。
【Wanna One Go 2】全員一齊去濟洲島旅行？ 裴珍映扮雨神Rain
當李周元再演繹埋「爸爸過咗身之後，我同媽媽都過得好辛苦，爸爸你知呀可？媽咪結咗婚，我好唔鍾意嗰個叔叔佢話好鍾意我，我真係好討厭嗰個叔叔，但佢望住我話有我咁嘅囝覺得好開心，爸爸對唔住啊！爸爸！我好掛住你！爸爸！我愛你！」李大輝已經喊到收唔到聲，正當成員們都急住搵紙巾比李周元時，朴佑鎮就話：「比起嗰邊（李周元），呢邊（李大輝）更需要紙巾。」
更多圖片
原來大輝除咗大讚李周元演技好好之外，呢一段演出其實同大輝細個時候所經歷過嘅事都好相似，大輝嘅爸爸喺佢好細個嗰時就已經過咗身，所以引起大輝嘅同感令到佢爆喊！最後大輝仲問李周元：「係演技嚟嫁嘛？好彩係演技嚟咋。」到最後都仲關心李周元嘅大輝真係好乖好暖男！
李大輝爆喊片段
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/