【2017年韓劇】最令人失望之作 《醫療船》《愛情的溫度》齊上榜

撰文:
最後更新日期:

2017年韓劇繼續大熱,《大力女子都奉順》、《急速的浪漫史》、《三流之路》都為韓劇迷帶來不少美好回憶,大家又看了多少部?之不過,除了好的韓劇,大家又有沒有遇上開播前滿有期待,睇落先發覺中伏,甚至爛尾的失望韓劇呢?今次《香港01》韓迷頻道就同大家回顧2017年最令人失望韓劇,看看是否同記者一樣感同身受呢?

《學校2017》

《學校2017》令KBS電視台的《學校》系列皇牌失效,即使出動人氣王金世正都無補於事。(網上圖片)

+5
+4
+3

《學校》系列電視劇一直都係韓國的收視保證,加上每次都可以捧起新演員走紅,好似李鍾碩、金宇彬、BTOB成員陸星材等,都係因此爆紅!今次《學校2017》有《PRODUCE 101》出身的I.O.I主唱、gu9udan主將金世正首次擔正做女主角,加上小鮮肉金正鉉、張東尹,本來話題十足,演員們亦有演技。可惜因為《學校2017》故事缺乏真實感而引不起劇迷關注,打破《學校》系列的「捧新人」必紅慣例!

《醫療船》

女主角河智苑,竟然在《醫療船》最後一集先來大病,唔講以為套劇剛剛開始。(網上截圖)

+11
+10
+9

《醫療船》有韓劇女王之一的河智苑同CNBLUE成員姜敏赫合演,劇迷都好期望這對新鮮拍擋的合作,加上《醫療船》係河智苑出道後首次挑戰做醫生,因而引起大家的好奇心!可惜因為《醫療船》的設定和醫生服裝都好似上世紀90年代電視劇一樣,唔夠認真而令觀眾非常奇怪。而最最最奇怪係相比起醫生工作,《醫療船》後期直接改以河智苑同CNBLUE姜敏赫嘅愛情故事做主線,最後一集河智苑仲要突然有重病,然後一集之內又好返冇事,再來個大團員大結局,好似睇緊TVB電視劇一樣,感覺好怪!

《愛情的溫度》

《愛情的溫度》開頭好好睇,可惜到後期太拖了吧!(網上截圖)

+11
+10
+9

開頭大獲好評的《愛情的溫度》真真好好睇!呢套劇由曾經以《Doctors》創下了超過20%收視率的河明熙作家編劇。因為《愛情的溫度》的故事很符合秋天的感覺,加上收視保證的女主角徐玄振,而得到觀衆支持。可惜在《愛情的溫度》後半部因為梁世宗對徐玄振的感情一直動搖,令觀眾覺得劇情進展很慢,有拖延故事之嫌,而相繼棄劇!

《卞赫的愛情》

明明《卞赫的愛情》好睇又好笑,可惜……(網上截圖)

最後《卞赫的愛情》是Super Junior成員崔始源退伍後的復出作,而基於入伍前在《她很漂亮》的搞笑演技令大家對崔始源在《卞赫的愛情》的表現有所期待。可惜,《卞赫的愛情》開播後就發生SJ崔始源的愛犬Bugsy涉嫌咬傷鄰居金老闆而導致其死亡的事件。雖然最後證實Bugsy是清白的,但已經為時已晚,大家已不再關心《卞赫的愛情》之餘,劇集亦播放到尾聲,因而黯然結束!

(觀看更多)

 剪短髮就成功?高俊熙、前AOA草娥、朴寶英都係轉髮型先紅!

下載《香港01》App,更多韓星靚相、影片率先睇!

iOS:http://bit.ly/hk01app-iOS-download

Android:http://bit.ly/hk01app-Android-download

我們01韓迷的facebook專頁Kpop 01已經開始喇!想知道更多韓國娛樂、飲食、玩樂、時尚資訊,快點去給like吧:https://www.facebook.com/hk01.kpop/



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。