【附直播連結】謝霆鋒赴台表演《活著Viva》 搭高鐵南下勁親民
自從元旦日喺叱咤頒獎禮現身後，謝霆鋒隨即舉行記者會、發表新歌MV，宣布全面回歸樂壇。佢亦唔係得個講字，1月都仲未完又有音樂演出啦，去到台灣高雄出席頒獎禮兼擔任表演嘉賓。呢日佢上載多張照片，原來霆鋒早一日已經飛到台灣綵排，仲搭高鐵南下高雄，仲親自搬樂器同行李，相當親民。
【叱咤】謝霆鋒驚喜現身頒獎禮 Chef Lemon揸結他做返歌手好high【叱咤】謝霆鋒上載綵排片段 Chef Lemon彈結他真係好熱血
謝霆鋒3年前曾登上台北小巨蛋擔任陶喆演唱會嘉賓，當時合唱《Hotel California》及《謝謝你的愛1999》，令歌迷相當驚喜。呢日終於再度以歌手之姿回歸台灣舞台，之前霆鋒好開心表示：「2018年，我會將時間多放在音樂上面，也會有新的作品，所以很期待在台灣跟大家見面！」佢亦坐言起行勤於練歌，不停出入錄音室排練務求唱出超水準。
據知呢次霆鋒會獻唱兩首歌，包括經典作《活著Viva》以及新歌《有火》，但最令人驚喜嘅應該係佢居然並非直飛高雄，反而選擇到當地後轉乘高鐵南下，見到佢Facebook上載嘅幾張相中，身邊無太多工作人員包圍，霆鋒仲要係自己揹住背囊拎住結他，就咁戴住Cap帽太陽眼鏡就去搭車，果然相當親民。另外仲有一張佢坐喺台邊嘅相，笑得相當燦爛，睇嚟對演出非常有信心。呢晚同場嘅仲會有陳奕迅、張惠妹、林俊傑、鄧紫棋、楊丞琳等輪番上陣獻唱。
・年度風雲歌手獎（按照發布時間排序）：
Eason陳奕迅、黃明志、謝和弦、周湯豪、盧廣仲、楊丞琳、G.E.M.鄧紫棋、兄弟本色G.U.T.S.、田馥甄、家家
・年度創作精神獎：魏如萱
・年度最佳新人獎：J.Sheon
・風雲榜得獎藝人出席名單（按照發布時間排序）：
Eason陳奕迅、黃明志、謝和弦、周湯豪、盧廣仲、楊丞琳、G.E.M.鄧紫棋、J.Sheon
・風雲大使（按照姓氏筆畫排序）：
aMEI張惠妹、林俊傑、謝霆鋒
・表演嘉賓（按照姓氏筆畫排序）：
Bii畢書盡、Miss Ko葛仲珊、小宇 宋念宇、安那ANNA